遠方的兒子和他們的爸爸 (香港第五天)
今日又係落雨, 出門口前, 發現原來有怪獸四號, 即係話燕子們有四個小朋友, 而唔係三個(有冇搞錯, 每日整多一件)。
睇到mika 俾我0既comment啦, 真係一邊睇, 一邊笑死我...至於有小朋友嘔過, 我都唔會擔心, 呢0的係好平常0既事, 我絕對相信村長兼契媽0既mika。聽到而家路飛食少左, 係好開心就真。食多食少, 其實都係講習慣。佢以前食得太多啦, 成日搶食埋蜜柑的份。而家mika有時間照顧佢地, 分開佢地食, 咁就可以control佢0既食量啦...我返到澳洲都會繼續依番呢個plan餵食。
今日達達打左幾次電話俾我。講真我又點會唔記得佢呢? 我成日都掛住就真啦...我地二十幾日之後又會再見面啦, 時間過得好快架咋....而家我要做0既就係多0的陪爸媽, 同埋開始要忙結婚0既野...壓力好大架...
香港0既天氣真係要命, 我0的皮膚敏感又發作, 好痕呀~~
原來係三隻燕子bb (香港第四天)
今日出門口0既時候, 又八掛走去偷睇小燕子, 發覺原來有三隻, 光頭大咀怪獸, 樣子醜醜的, 好鬼死搞笑...且燕子爸爸同燕子媽媽就企係個巢邊, 守護住三隻小朋友。我仲幫佢地改左名, 分別叫怪獸一號﹑怪獸二號﹑同怪獸三號。聽媽咪講, 佢地每年都會返黎呢個家, 而小燕子好快就會學飛, 佢地一學識飛就會離開呢度, 要一年之後再返黎架啦...
大鄉里終於出城啦~ (香港第三天)
經過左尋日成日留響屋企之後, 我呢個大鄉里終於出城啦...
今日中午撘火車出九龍, 發現原來九廣東鐵多左個尖東站, 而且仲有馬鞍出線...嘩, 而家由上水可以直接撘到尖東, 唔洗由九龍塘轉MTR去尖咀, 又真係幾方便喎...
今日同爸爸媽媽一齊去左"朗豪坊"。我係第一次去, 覺得唔錯, 條電梯真係好鬼死長, 腳仔軟~~我地一直撘電梯上到最高層然後再逐層行落黎, 都差唔多行哂大部份0既shops。
因為今次係同爸媽一齊, 所以原本想買衫0既我一件衫都冇買到, 但係我會記住, 下次同friend去先大購物^^
都行左好耐啦, 又累, 於是我地決定快0的返屋企, 返屋企之前陪爸爸去書店買書, 佢又買左六百幾蚊書-.-。我地由青衣站直接撘專車返錦繡屋企, 又發現原來地鐵又多左個廸士尼站, 係粉紅色線架...
由青衣返到屋企只需20分鐘。返到屋企時, 發現有隻流浪貓走左入黎我地車房, 我即刻好驚咁要嚇走佢, 因為我屋企車房有個新0既燕子巢, 我怕隻貓會爬上去捉燕子...(對唔住呀貓貓, 我呢度暫時唔歡迎你住, 等燕子一家離開我屋企之後你就可以入黎啦, 因為小燕子要學飛嘛, 貓請勿進!!)
好在, 燕子爸爸同燕子媽媽都安全, 佢地好傻咁坐左0係個巢0既附近, 而巢裡面0既兩隻bb都冇事, 重訓緊覺, 不過可能我太大聲, 嘈醒左佢地...見到佢地個光頭樣真係搞笑...燕子bb好得意呀, 燕子爸媽萬歲!!!!
成日都搞機 (香港第二日)
今日訓覺訓到十點幾先起身。其實今朝訓到六點幾0既時候我曾經彈過起身, 因為六點幾即係Sydney時間八點幾, 我個生理時鐘話俾我聽, 而家成八點幾啦, 仲唔起身返工? 於是我彈左起身, 想話拎起個手機一睇? 依? 手機呢? 點解會咁0既? 我0係邊? 我訓左0係邊? 我用左大約十秒時間去思考, 個結論就係: 依? 係喎, 我返左香港, 呢度係香港屋企。好野繼續訓ZZZzzzz。
今日成日都冇出過街, 成日都0係屋企幫阿媽整電腦。嘩...媽咪部電腦完全唔得呀, 前年買俾佢, 都唔知點解慢成咁 (係一部P4, 2.7GHz的DELL電腦), 開一個window要用成分鐘...梗係佢唔識用電腦啦。於是我format左部腦(途中曾遇到一0的問題所以format左三次先完美), 限住我隨即install 個Norton Anti-Virus, Firewall, Spyware, 最後仲upgrade左去XP Service Pack 2。跟住安完個Service Pack 2之後又唔見左張 Sound card, 於是搞下搞下, 全部完成用左六個小時...而家部機好正啦, 有firewall 有anti-virus 有anti-spy 又有SP2...俾阿媽用黎check email 咋, 唉...我自己部機都冇咁secure...鬼叫阿媽唔識用電腦咩...成日被人hack機...
黃昏時候, 我同爸爸媽媽去左錦繡0既百佳買野, 嘩...完全唔同哂, 個百佳"upgrade"左喎...跟住又買左好多野食。我仲0係湖邊見到一隻stray cat, 個紋好鬼死正....
今日又有伯父同娘娘黎食飯, 第一晚食阿媽煮0既菜, 好好好好好味呀~~~
希望媽咪快0的退休, 咁我就可以申請佢地黎澳洲居留, 到時可以日日食到媽咪煮0既野...
另外, mika 今日留言俾我, 睇到佢咁鍚兩個小朋友真係好開心, 好多謝佢。
今日收到好多達達0既email, 好掛住佢呀。
返到香港啦 (第一天)
終於返到香港啦...而家係第一日0係香港打日記。返到自己屋企有0的唔慣。當然啦, 由冬天轉夏天嘛...
講返尋日, 我同達達同拍直去左唱k, 跟住仲去睇《頭文字D》。嘩...個戲院迫到爆囉, Sydney 都會迫爆睇戲今次都係第一次。我地睇9 點幾場, 多人多到要開兩間戲院。唔洗講, 去親睇0既都係香港年輕人啦...真係香港人大雜會。
不過套戲又係幾好睇0既, 預計中咁啦...但係估唔到有咁多笑位, 黃秋生真係做得好, 反而我覺得阿澤飾演正樹就有點兒老氣橫秋...
今日一早起身, 拾唒0的行李。阿wayne架echo仔個電池死左囉, 只係幾日冇幫佢開車個電就死鬼左...於是要打電話去 road service 公司, 等人黎換左舊電, 都等左三鐘。搞到我差0的出唔到門口去機場....
達達佢就車我去機場啦。好掛住佢, 希望佢唔好冷親啦, 澳洲天氣咁凍...
而家呢度真係好熱呀, 又熱又濕...好辛苦。
返到香港有爸爸媽媽﹑伯父同娘娘接機。好開心呀, 咁多人黎接我, 梗係啦, 我係伯父娘娘湊大架...見到佢地老人家真係好開心。而爸爸媽媽都係咁0既樣啦, 一年半冇見佢地, 其實真係老左啦...
嗯....好掛住路飛蜜柑, 臨走前打過電話俾mika, 佢話蜜柑佢地開始作反搞亂...唉...擔心死我。
送走了, 小朋友要聽話啦...
渡假去了, 兩個小朋友前日, 兩個小朋友路飛同蜜柑已經送左去朋友MIKA屋企啦。MIKA佢會幫我睇住兩個仔直至我返黎, 佢開心啦, 有貓玩...佢好鍚兩個契仔架, 而且佢又好愛貓, 希望兩個小朋友唔會俾太多麻煩佢啦...
前晚, 我放工之後就"拿拿淋"返屋企幫小朋友執拾細軟, 包括洗乾淨個貓toilet啦, 糧食兜啦, 飲水機啦等等, 仲有搬左少少佢地0既隨身品例如貓樹啦﹑軟顫﹑貓毛梳﹑指甲器等, 仲有兩大包貓糧同兩大包貓砂...我將佢地全部搬哂去車尾箱...最後就係搬兩個小朋友走....路飛一路上都有哭叫; 而蜜柑就好興奮, 佢仲有伸手出黎同我玩 (阻左我開車
)...
一去到MIKA屋企, 兩個小朋友起初都點怕怕, 但唔夠五分鐘, 佢地已經通屋飛, 又呢埋落床下底, 蜜柑更加周圍搞, 好似間屋係佢咁0既...因為蜜柑都曾經黎過MIKA 屋企同MBB玩過, 但係MBB已經移民返左香港, 所以我地懷疑蜜柑係度搵MBB (蜜柑同MBB以前好friend架), 而間屋其實都仲會有少少MBB的氣味, 仲有MBB玩過0既玩具...而第一次黎0既路飛就冇蜜柑咁快定落黎, 好鐘意呢埋, 不過最後都玩後好開心...
係呢度我要多謝渡假村村長兼契媽0既MIKA, 幫我睇住兩個仔 (超~! 其實你都賺左啦, 有仔俾你玩陪你訓XDDD)
聽MIKA 講, 佢話蜜柑真係好曳, 而且鐘意駁咀。好似咁, 蜜柑跳上去廚房個Bench度﹑又或者周圍用手推0的傢俱, 咁MIKA就喝止佢啦, 蜜柑竟然駁契媽咀, 喵喵喵咁鬧佢, 鬧得唔夠, 仲一邊行, 一邊拎轉個身鬧, 佢個死仔包真係冇家教, 都唔知佢阿媽點教佢 (依? 我好似話緊我自己bor, 嘻嘻~)!!!
一個月呀, 要同小朋友分開一個月呀, 希望佢地聽聽話話啦, 路飛要繼續減肥啦, 知嘛?
聽日上機聽日下午三點鐘就要飛啦, 達達會車我去機場, 要同佢分開一個月啦, 我會好掛住佢。今晚約左拍直, 同達達一齊去睇戲院《頭文字D》, 仲有唱K直落, 所以而家要拾行李啦 (痛苦)...
MBB同蜜柑以前0既合照
百厭星蜜柑
好乖乖0既愛子路飛
仲有三日...
心淡其實我以前真係幾鍾意而家呢份工...但係最近呢一個月我已經對公司完全心淡, 對工作冇左以前0既熱誠。即係話, 我係時候要搵工了...我master未畢業時就開始做呢份工, 到畢業後就更加全情投入工作, 從來都未試過真真正正去搵工。唔知搵工難唔難呢? 有0的擔心...Val 已經將佢0既"搵工秘笈"傳授俾我, 只於搵唔搵到合適的工作就要睇運氣啦。 而暫時0黎我地公司工作0既Val, 佢兩日前已經搵到一份佢覺得滿意0既工啦, 都係關於Accounting, 年薪都好好架...佢就勁啦, 工搵佢, 唔係佢搵工...當然人地又猛料啦...Val 仲話全程做我0既employment 推薦人...好呀, 似前0係Deutsch Bank 0既時候, 係Val 請左我老細Marc 入去做, 而家Marc請Val 幫手暫時同佢睇住盤生意, 等佢可以放三個星期大假...而我就0係呢三個星期入面同Val做左好朋友, 係佢教識我好多好多野...
唔捨得仲有三日就返香港啦, 心情唔知點解一0的都唔興奮, 可能真係返工返傻左啦...發夢都係諗住公司0的野...
我要同路飛蜜柑暫別一個月啦, 自從佢地出世以來, 都未試過同我分開多過兩日...慘啦, 佢地會唔會以為媽媽唔要佢地啦? 諗諗下, 我又唔捨得走囉...仲有達達, 我要同佢分開一個月啦, 澳洲越來越凍, 希望佢唔好冷親啦...佢成日都著咁少衫...真係擔心死人....
撞車事件尋日達達架車又俾人撞啦。事情係咁: 佢泊架車o係佢公司條街, 放工0既時候就見到個車頭角位凹左。仲見到有張紙條夾0係玻璃窗, 用英文寫住: 車牌號碼xxxx, 一架藍色Holden Astra, 倒後時撞到你車, 然後不顧而去。 係一個叫BOB 0既鬼老目擊情發經過。後來達達搵到呢個叫Bob 0既人, 佢仲話另外有兩三個目擊證人, 都可以出0黎指證。佢話係一個女人開車, 後面坐著三個pretty ladies, 撞到達達架車之後仲大笑, 然後走為上將...達達更係好嬲啦, 佢於是同我去警局落案, 警方唔使用幾秒時間就搵到對方資料, 佢地遲0的就會搵人架啦...低佢死, hit and run, 好在天網灰灰疏而不漏, 做錯事0既人係要受法律制裁!!
其實達達佢都好好彩, 有好心0既目擊者留底資料俾佢...o係呢度好衷心多請呢個叫BOB 0既人, 好心有好報...
行街街
好一個周末假期呀...尋日星期六夜晚同達達﹑拍直去左Market City 睇《雀聖》, 套戲都幾好笑, 無厘頭囉...王晶0的貨仔都係咁架啦, 抄襲成份十分重...
之後我地去左VIVA唱K, 仲俾VIVA "踢"左入會, 下次唱K 送$20咁喎....張membership card 又幾靚0既...是但啦...唱完K, 我地三個人又例牌去左Kingsford食糖水, 今次試下新野, 叫左個"桂圓蔘蜜膏", 真係唔錯.....最後就返左我屋企打PS2...拍直佢打到一點鐘先走。
今日係星期日, 又係我同達達去街街。今日我地去左City 新開張0既World Square廣場。本來一心諗住去睇下間Sony 專門店, 點知都係重未開張...不過World Square 入面0的商鋪就開到七七八八...仲有一間好大0既"美而廉" (賣香港同日本等亞洲食品連鎖supermarket)。入面好大架, 門口有間麵包店, 有好多好得意0既麵包...又可以睇人整包...
我地行左好多地方, 又去左Townhall...仲買左件褸送俾達達...
夜晚就去左同婆婆﹑兩個舅父同達達的哥哥一齊去食飯...好耐未試過食咁飽啦....今日好開心!!!
今日係懷舊的一天....
好多日冇update個blog啦, 其實呢一個星期都冇乜特別, 都係返工放工...
今日突然間諗返起路飛蜜柑初初0黎我屋企0既時候, 只係六﹑七個星期0既小生命, 放在掌心上, 感慨小生命0既脆弱...而家呢兩隻變大了的化骨龍已經有能力推倒一個電視機落地下啦(refer to
5月30日的post)...
唔好睇而家路飛咁文靜, 而蜜柑又咁頑皮。其實佢地細個時性格剛好相反...路飛細個時好百厭架, 而蜜柑係一個好斯文, 好似女仔咁0既小貓b, 完全唔似男仔...果陣時有青椒(我朋友寄居在我家的大貓), 盡管路飛的size比青椒細十幾倍, 佢都會撩青椒打交...
至於文靜0既蜜柑, 就經常被路飛欺負。加上蜜柑細個時身子弱, 成日病, 又痾又嘔又發燒又唔出聲, 俾玩具佢玩又唔識玩, 我初時真係以為佢係一隻自閉貓。心想, 死啦, 兩個小朋友年紀相同, 但係一個(路飛)就百厭到死﹑而另一個(蜜柑)就文靜到死, 點算? 好在, 佢地就係好愛對方, 兩個小朋友從小到大就0係埋一齊, 一齊長大, 所以相處得非常融洽。
到左今時今日, 我點都估唔到, 路飛變左做一隻成日打坐收埋哂0的手腳0既貓; 蜜柑就變左做一齊充滿陽光氣息﹑一日裡三分二時間都用來玩﹑百厭到頂點0既超級搗蛋多嘴貓...屋企被佢打爛過無數杯子﹑咬爛過四條電話線﹑成個木櫃被佢撬開﹑幾度拆爛過個電視機櫃門﹑推跌哂放在廚房0既野....就算屋企0的野俾佢玩嫌, 佢連空氣都會追一番, 又或者一撮貓毛都會拿來作玩具...
出發去Hunter Valley 釀酒區!! 
昨日, 即係星期日, 達達又兼職帶旅行團啦...今次目的地係 Hunter Valley, 離悉尼市區大約係兩三個鐘車程。達達佢以前成日帶團, 去過澳洲好多地方, 不過佢冇帶好耐啦, 而今次係我第一次參加佢帶0既團, 所以心情好興奮呀
昨日一早我地六點鐘就起身, 三個人加埋舅父一齊開車到city 集合地點。今次個團有四十二個人, 再加埋司機同達達, 共有四十四個...每個人都好準時, 所以我地好順利出發。0係旅遊巴士上, 我地有玩遊戲 (當然係達達自己諗0既), 仲有睇《繼續無敵掌門人》, 真係開心...
由於0係車上過得好開心, 所以好快就到左 Hunter Valley 最大0既酒廠McGuigan。我係一個由出世就好喜愛酒0既人, 所以入到去當然係盡情拼命地試酒啦...我諗我都試左不止二十幾杯酒
真係一大樂事呀....最後我帶住兩支紅酒離開, 我會帶返香港送俾愛酒0既爸爸...
之後我地去左芝士廠同玻璃廠...中途我地都有0係車上玩遊戲。大約一點鐘, 我地到左 Maitland 0既 Bowling Club 食中午飯, 嘩....係好美味0既 lunch buffet, 個個人都食都好滿足呀, 估唔到郊外小鎮都有0的咁好0既club, 仲有咁多款式0既 buffet, 我地都覺得仲好味過Sydney.
食完 lunch, 達達同司機商量過之後左加插多一個景點。就係 Hunter Valley Village, 嘩...果度好正架, 係一個頗有 country feel design 0既 shopping village, 我地買左好多 ginger honey, 有0的團友就最後掃貨, 買左三大箱酒...真係好好笑....果度好靚, 如果下次爸爸媽媽來澳洲, 我一定要帶佢地去果度玩...
返到Sydney 之後, 我同達達仲約左拍直去睇《史密夫決戰史密妻》, 嗯...套戲都唔錯, 不過我地返到屋企都好累啦ZZZzzz 嗯! 真係好累0既一日, 好開心0既一日!
Hunter Valley 之照↓(按圖放大)
蜜柑又嘔啦
蜜柑由細到大都唔知嘔左幾多次啦, 佢個肚仔特別敏感, 所以我都好怕亂俾野佢食...
不過佢有成四五個月都冇嘔過啦, 上次佢嘔都好似係年初0既事啦...
蜜柑佢嘔完之後都係好曳曳, 完全唔似嘔過0黎, 其實我冇睇到佢嘔, 不過我同ceci 見到有嘔吐物, 第一時間唔洗問十成十都係蜜柑囉...因為全屋只係蜜柑一個會嘔....跟住我捉住佢睇, 手上0的毛毛真係有少少嘔積....
蜜柑而家又變番咁→
17.5 磅的路飛飛
今日同小朋友去左打一年一度預防針...好在, 有達達同舅父們一齊同我去。點解? 我淨係抬兩個小朋友 (放在同一個籠) 搭lift 落樓下, 抬上車果下, 都辛苦死我, 有人睇到我拎住件咁重0既野行到死下死下咁, 都問我要唔要幫手...
好啦, 終於抬到落樓下, 達達就幫我拎...真係重死呀....
去到獸醫度, 路飛飛個size都令獸醫嚇左一嚇...再上個磅一磅
7.97kg 即係
17.5磅!!! 
我....暈.....啦.....獸醫話, 路飛每日最多只可以食70g 貓糧, 但係佢每日都起碼食 150g 糧...而家真係要減半啦
路飛飛, 我以後決定朝早俾你食50g, 夜晚我返到屋企再俾 20g 你....你唔好怪媽媽呀, 都係為你好....
而家我仲要隔開你同蜜柑, 因為蜜柑佢要食正常份量....路飛, 你要健康, 努力減肥呀...做多0的運動啦阿仔....
幸福大晒
今日起身, 個手機鬧鐘竟然唔work, 搞到我遲左足足半個鐘起身, 起身時望到個鐘係7:45AM, 即刻嚇醒啦...於是連頭髮都冇夾到就出門, 出門前都不忘做貓務...仲要走落去停車場去架車度拎番包新貓砂上樓...唉...真係廿四孝貓奴...最搞笑就係我返工竟然冇遲到....
今日0係公司聽《在晴朗的一天出發》同昨晚的《架勢堂》重溫, 仲有暫時冇左大Joe 0既《絕情谷》聽返杜文澤同大塊田0既婚禮, 真係好正呀...好好笑囉, 阿澤0係個飲宴入面狂俾人"對"酒, 而大塊田就狂喊...真係聽到都"鄧"佢地開心呀...好幸福呀。而家0岩0岩播緊at 17作俾阿田自己唱0既主題曲"守望杜田", 0的歌詞真係貼到絕呀...「多想給你一個家, 還想給你泡杯綠茶...」「害怕天雨會將你沖走, 害怕海嘯會將你捲到天邊海角, 叫我往那兒把你帶回家...」「來到我身邊擁抱我吧, 讓我快樂好嘛?」
幸福幸福幸福 ^^
今日返工時達達打左幾次電話俾我, 佢話喉嚨痛呀, 真係好膽心佢, 希望佢快d無事啦....好掛住呢隻貓....
星期一之感慨
今日打電話book左星期四同路飛蜜柑兩個小朋友去打預防針, 預計最少要花$240澳元, 呢兩個禮拜lunch又要食杯麵啦....
我0既小朋友, 心肝寶貝, 幾多錢都要花啦, 最緊要小朋友健健康康...
達達唔可以同我返香港啦, 因為工事纏身。不過我都明白事理, 所以今次只好惟有我自己一個返啦...
其實今次返香港一0的都唔輕鬆, 因為要安排結婚0既事, 而訂酒席就係最煩。要想想, 我只係返去一個月, 就要安排哂所有事情, 當然, 我亦要得到雙方父母協助例如我返澳洲後, 佢地就會繼續幫我安排埋0的手尾...不過我都唔想搞到咁麻煩, 所以如果可以一個月之內辦妥的話就最好啦。其實婚禮同擺酒0既野, 一切從簡就最理想, 但都要搞得好好睇睇, 對得住自己, 對得住老人家...至於影相同拍video方面, 我諗我會搵做電視台0既姐夫幫手, 佢好叻架...佢策劃拍攝0既電視廣告曾經得過獎, 所以呢方面都解決左...
唉~真係好煩, 本來兩個人做0既事情, 而家我要一個人搞掂...加上我每次返香港都會病一場, 如果再加埋打風落雨 (六七月份打颱風係好正常0既事), 我0既行程就會得番好少時間....希望我可以撐得住啦!
去睇《早熟》
吵嚷左好耐話要去睇《早熟》0既我, 今日終於可以同達達去睇啦...
今朝早一起身, 我同達達連早餐都未食就開車去Pet Warehouse 先放底百幾蚊, 買左好多野俾小朋友。我買左三大包貓糧 (仲有三件玩具送), 24 公升 cat litter, 仲有一個jumbo pet cage, 因為路飛真係肥左好多, 以前可以同蜜柑迫埋一齊0既小籠, 而家已經擠不落啦, 所以要換一個珍寶箱囉
點解要突然買一個籠? 咪係因為路飛同蜜柑下個星期就要去一年一度body check 打預防針囉, 唔買過一個新籠, 點去睇獸醫呢? 而且三個星期之後都要送小朋友去渡假村...
買完百幾蚊野之後, 我地就去左唐人街食野。真係黑仔, 我諗住去ATM 提款啦, 點知俾部機食卡...算....
跟住我地買左一點半場戲睇《早熟》, 其實我覺得好好睇呀, 但係達達就話唔好睇。呢0的都係見人見智啦, 可能覺得有共鳴, 因為其實黃秋生飾演 Fiona 爸爸, 個格又幾次我爸爸以前管教我, 要我學琴學呢樣學果樣...而我又係反叛啦, 乜都同爸爸作對...最後都係傷左爸爸個心....
anyway, 唔係一套very good 0既電影, 不過都叫唔錯....
BBQ 同樂日
今日星期六, 達達幫公司搞左個BBQ 同樂日, 有五十人參加。地點係 Bi-Centennial Park, 即係奧運場隔離的公園, 係一個好大o既公園。
今朝一早起身我地去左接拍直順便拎左一o的佢爸爸媽媽整o既BBQ肉 (超美味~)...
個公園好正呀, MIKA 都好鍾意, 佢仲話要聽日帶架單車去...其實我今日唔舒服, 佢就陪足我全程...
至於達達, 佢就要忙於打點一齊, 因為呢個活動佢係負責人, 所以要看實o的人, 又要負責遊戲, 仲要叫破喉嚨, 真係辛苦佢....不過真係搞得好好, 完滿結束, 我地返屋企前去左拍直屋企拎左佢部PS2返我屋企玩!!
買了! 回港的機票 
終於買左啦, 六月二十六號坐國泰返港, 媽媽開心到不得了, 因為一年半冇返過去啦。今次會返去整整一個月, 到時要買好多野啦....行李可能唔夠啦....哎呀....
anyway, 有得返香港就好開心, 可惜係六月份, 應該會熱到變燒貓啦...
係至於路飛蜜柑, mika 已經一早等唔切話要做佢地渡假村村長, 我擔心到時如果小朋友又o係mika屋企打爛野, 我都唔知點賠俾佢囉....haha....我大概21號左右就會運小朋友到渡假村, 俾佢地有幾日cool down period...
今晚我又好開心可以同達達一齊食飯, 食飯之前我先同舅父o係我屋企咭血驗血糖, 但可惜唔係太識用部機, 搞到舅父三隻手指都流血...hahahahaha....
之後我地去一個pub 食$5 steak, 雖然要等, 不過好好味, 又抵食...而家好飽啦
