報告蜜柑
今日已經係蜜柑小朋友帶上飛碟的第六天。我每日都有同佢搽藥膏兩次，而佢個傷口亦都明顯地長多左0的毛。
其實我都唔係太擔心佢個傷口，其實無流血，無雖太擔心的。我反而擔心蜜柑的內心。始終，我地都唔太清楚佢為乜事而扯自己0的毛; 加上佢又無啦啦要帶飛碟，心情一定唔會好過。作為家長，當然處處都為係自己仔女著想啦，但作為仔女0既，其實都唔知道爸媽為乜要佢受苦。蜜柑一定覺得好無奈要佢帶飛碟，可能仲以為我地罰佢。
蜜柑呢幾日比起以前活躍指數下降左30%。原因係因為個飛碟阻住佢，以致佢喪失左好多活動能力。由於帶住個飛碟，蜜柑每日沖涼 (舔毛整理) 的工作亦都交左俾佢哥哥路飛代為處理，表現不俗，由頭舔到落尾。路飛0係呢個時候發揮左佢0既兄弟愛精神。
尋日，我見蜜柑咁可憐，於是試下幫佢除左個飛碟。點知，佢第一時間走去舔個傷口，嚇得我即時要同佢帶番個飛碟。心一陣痛...蜜柑，你到底發生咩事? 話俾媽媽知好唔好?
傷心﹑傷心﹑痛心。
蜜柑
交代事情:
蜜柑病了。身體有少少毛病。其實，到現在都不知是否有病了。大概要觀察多幾天。
昨日我大約五﹑六時許，我發現蜜柑右前手內則關節的位置，有一個面積大於五元硬幣的地方沒有毛了。一看之下，很像是自己咬扯自己的毛，光禿禿的，又有一些口水的濕。初時，我並沒有太著緊，選擇了繼續觀察。到了晚上九時許，我又去看看蜜柑小手，發現他原來一直在同一處位置舔毛。我即時打電話給香港做獸醫的契家姐問問，她說，如果看似不像皮膚病，那便可能跟情緒有關。叫我給他帶上飛碟。但是，我沒有。
到了十點，我打了個電話給香港的Mika，她說在我家附近有一家獸醫診所是開到晚上十一時的。我豪不猶豫地跟男朋友開車趕住前去。結果，獸醫也看不出是皮膚病，更加應該不是蟲咬。也許，是跟情緒有關。因為獸醫也看得出蜜柑是個大情大性的小朋友，很喜歡表現自己，所以，over-groom了也不定。獸醫給他帶上了飛碟，又給他開了支藥膏搽一個星期。回家後，蜜柑小朋友很不習慣飛碟，垂頭喪氣。但不久，他又活躍起來，跟飛碟合體了! 今日，他又跟平時一樣跟哥哥玩打架，在家裡跳上跳落。但每看見他那個傷口，都覺得心痛了
八妹
今早, 得知八妹離我們而去的消息。很傷心。馬城，你不要自責了。八妹有了你和你的家人，就成了她生命中最寶貴的經歷。不論從前有多苦，你們已把她的苦抹去。祝福八妹，願她在彩虹橋快快樂樂地生活。
兩個仔
路飛，我有時叫佢肥仔飛，因為佢好肥。呢個仔，細細個0既時候好活潑，成日要搶玩具玩。大個左之後，因為越來越重，活潑指數由80降至5。不過佢有個特點，就係好嗲人。加菲媽曾經不經意地講過:「你呢個仔0的性格真係一流。」其實同路飛相處耐左，你就會知道，哈! 佢從來唔會好似一般貓咁:『吼~~~』叫。你搞佢咩? 佢最多咪發出0的好嗲0既聲音—『咩~~』(調高音八度)，然後再加個「飛機耳」。呢個，係路飛極其量0既抗議。
路飛自從做左肥仔之後，佢終日0既嗜好就係睡覺。所以如果你見到路飛跑的話，朋友，你不妨去買六合彩啦。最近幾個月，我好狠心咁幫路飛減糧。目標係由17磅減至...let say，12磅咁啦。又迫佢做多0的運動，如果唔係，佢遲0的就會有好多病。前晚，我見到路飛0係屋企狂奔。對唔住，係狂奔! 9秒9果隻呢...由A點跑去B點，B點跑去C點，再由C點跑去B點......
跟住，今日，我見到佢同蜜柑打交。係追住黎啦，打到蜜柑一仆一碌。我開始發覺到一樣野: 路飛佢減肥進度都幾成功。最近明顯瘦左好多。唔通因為咁，佢0既活躍指數又再次提升?
蜜柑，我都會叫佢做蜜柑柑。佢個樣其實又真係幾靚仔，一面baby face，眼仔碌碌，鼻哥紅紅...而且仲好上鏡。不過，貓不可貌相。因為呢個仔係搗蛋星一名，而且鍾意駁嘴。活躍指數係110，爆燈。蜜柑0係屋企做盡無數壞事，多不勝數。今日佢又0係我煮飯時跳上個sink盤度想偷走我0的菜，當其時，我0係度切緊紅辣椒。我見佢咁曳，於是我整蠱佢，對條辣椒俾佢聞。佢千份之一秒0既反應就係飛機耳，擺出一副好討厭0既樣，跟住佢就開始鬧我:「喵喵喵喵喵...喵~」，意思係:「@$%&$#^&^$%@$#%$!!」你明架啦? 唉=3 呢0的咁0既仔，真係對住都頭痛。無奈...我鍚佢呀，所以咪縱壞左囉。
失而復得x2
今天一早出門時發覺籥匙不見了。怎麼辦? 不見了就是不見了啦, 無論我往那裡找都找不到。那麼...難道是我在街外的那兒跌了嗎? 記不起!! 於是我試過打電話去前天晚上吃過飯的餐館, 也是沒有....因為這幾天我也沒有用自己的籥匙開門, 所以其實不為意自己何時跌了籥匙..... ＿|￣|○ 很失敗|||
不理了, 出門還是要出門。中午的時候去了驗眼, 在那裡我把我的Medicare card (醫療卡)交給助理員後, 那個助理員竟然把我的卡弄不見了。怎可能??? 那個counter 不大, 往那裡找也找不到耶~~找呀找, 所有店員都一起找, 找了半句鐘.....忽然我記起當時曾有一位客人在counter 那裡結帳, 會不會是那位客人吧? 打去他的手機問問, 結果, 就是那位客人把我的卡不小心帶走了。等了20分鐘後, 那位客人終於能趕回來把卡還我。
回家後, 仍是不繼找我的籥匙, 因為籥匙除了是家裡籥匙之外, 還有車匙, 大廈的security scanner, 我的512MB USB Stick....不見了的話.................. ＿|￣|○ だいへん！！ 要花很多錢, 還要把家裡的鎖都換過。
找了一小時, 我覺得很沮喪, 誰不知...那個男朋友就是很不經意地在那個我找了一千次一萬次的地方, 拾起了我的...KEYS...!!! 怎麼可能!!
~完~
昨晚玩電腦時偷拍的照片↓
兩父子竟然....(怒)
悠長假期
很久也沒有這樣的悠閒過, 也許, 是打從會考之後以來都未曾嘗試過。上大學後, 工作, 一忙便忙了幾個年。現在在家裡也沒有太著緊的去找工作, 都是看看電影(最近才開始追看《電車男》電視版), 搞搞貓務。數數手指, 今年剛好是從香港回來的第十二日。前天Mika 回香港了, 因為她已經找到了一份好工作, 一月便會開工, 在這裡我又"弓起"她啦, 她很快便可以結束她的「悠長假期」了, 而我卻剛剛開始。碰巧現在是年尾, 很多公司都不會在這個時候請人。我又可以大條道理地在家裡休息夠了。達達和大家都叫我不用著急, 呵~ 那當然了。好~~吧, 看個《電車男》才說!
齊來「隊」草
齊來晒太陽~啦啦啦啦~~
Oh My Goodness! 點解你地個背脊咁燙手架? 不如打隻生雞蛋丫XDDDD
