沙灘貓的私家海灘: 12月 2005

再見2005

2005 對我來說是過得很快樂的一年。雖然也有不開心的日子，但總算都挨過了。

這一年發生了很多事，令我的人生完全改變過來了。路飛蜜柑又長大了，我希望以後的日子可以使他們更加幸福。

我知道2006年將會是很挑戰性的一年，還有，我的人生大事呢。這個日子慢慢迫近，不知道是開心還是害怕呢？

2006年，我希望世界和平，所有饑餓的人都得飽足。

火都0黎埋0既聖誕旅行

今日係十二月廿四日。
第二次過炎熱的聖誕。
悉尼熱溫可能有四十度。吹火風。很乾燥，濕度很低。天空有雲。

照原定計劃，今日達達同我，約左加菲媽﹑拍直一共四人一齊去Hunter Valley 釀酒區玩。我地約左上午9點鐘在加菲媽屋企出發。今次係開加菲媽架Subaru Forester四驅車上去，司機係拍直!! 哈哈!! 又係拍直做司機。真係辛苦佢啦。

前兩日悉尼天氣仲係好清涼，但係一到左今早，氣溫突然標高，但係又好乾燥。好熱，但冇出汗。感覺真係唔好受。

都幾好玩呀，可惜天公不造美，吹果0的火風真的要命。今日去左Hunter Valley Village，果度有好多好得意0既shops，我地行左好多間，影左好多靚相，又買左0的好得意0既野。其中有一間shop有好多貓貓擺設買架，真係好鬼死得意

跟住我地又去左酒廠試酒同買酒。我地四個人總共買左大約十幾支大大小小的酒。唔算買左好多啦。

今日雖然好累，但係好開心。

哈利波特

本來想去睇King Kong，點知有人建議留番Christmas Day 等埋阿邊個邊個一齊先睇。所以今晚我同達達去左睇哈利波特。星期二嘛，戲票有特價哈哈...其實我覺得都幾好睇0既，好開心!

前幾日我有Hayfever，流鼻水流到停唔到。達達就話一定係兩個小貓0的毛毛，仲話唔俾佢地上床玩。我就硬係好嬲啦，邊度關事呢？尋日我去左睇Dr.NG，佢俾左0的藥我食，今日就好返哂啦。可以證明跟本唔關貓毛事，唔好冤枉我兩個小朋友呀!

終極速度

我的internet provider 剛剛發了一封email，告訴我現在我用的internet plan 速度已經由 12M 升級至 24M，我暈了

愛．兄弟

我家附近爆發種族騷亂

這幾天頭條新聞不斷在報導。

事源於不久前有名白人救生員在悉尼南面一沙灘(Cronulla Beach)被幾名中東人活生生打傷。於是引起中東籍居民和白人仇視。聲明不准有中東人用他們的海灘。

本來騷亂只是那個南部小鎮，後來一路推上向北，延至Brighton-le-sand 海灘，及最後來到我家附近Maroubra Beach!!!

那些中東人為報復而四處破壞。而那些白人就跟那些中東人打起來。因為他們都是target白人聚居地。日前在Maroubra Beach有超過50部私家車被燬，那些中東人用棒球棒等東西向民居(白人)的車逐一破壞。

本來我住的地方是很太平的，現在居民都感到人心惶惶，不知道那些中東人會不會再來。

蜜柑小朋友...你幾時可以好返?

報告蜜柑
隔左咁多日，蜜柑隻手手都仲未好返。而家佢隻手隻傷口果度有結焦，但仲未生番毛。我好怕佢以後都生唔到毛...好擔心。可憐呢個小朋友日日戴住個飛碟，見到佢都覺辛苦。

我部生滋電話原來可以...
隨時隨地睇香港有線新聞架...唔講唔知，拍直今日show佢部生滋電話我睇，原來我地只需每月付$3，就可以購買3G info pack, 裡面有好多channel睇，其中仲有香港 i-cable 新聞 (好似撘九廣鐵路火車睇到果0的有線新聞)，而且仲係每小時更新一次，保證有update news。真係0係澳洲行到邊，去到邊，都可以睇到香港新聞。我決定聽日去3G join呢個package。

特別新聞報導

悉尼東區一住宅單位今午發生盜竊案。賊人涉嫌撬開廚櫃頂木門，然後再將一盒重8公斤的貓糧從高處推下。事主回家後發現報警。經點算後總共失去三份之一的貓糧。兩賊人沿客廳經走廊向事主之床下底逃去。本新聞報導完畢。

例牌 weekend

悉尼0既生活唔同香港，你話悶咩？係悶呀，不過又有另一種悠閒。有0的人喜歡，有0的人簡直想死。

weekend 放假可以做0的乜？買野？唔好傻啦，除非你幾年都唔返香港入貨啦，否則真係唔好0係度買衫，又貴又out。所以，weekend可以做的，一係就開車去遠少少地方玩下。唔想去咁遠咩？一係去唱k囉。近年來悉尼0的卡啦ok真係正左好多。論音響﹑設備﹑裝修﹑歌類﹑service，真係一0的都唔俾香港遜色。上次返香港唱k, 又貴音響又差，去黎去去都係N記或者加記。今個weekend我地又例牌去唱k啦，識左兩個新女仔朋友，真係好好玩呀。三個鐘都係唱左15蚊咋，仲有野飲。唱到聲都沙呀~哈哈~~冇計啦，鬼叫達達鍾意唱歌咩，但係又真係唱得好好好聽喎~嘻嘻...聽出耳油呀~

死啦，返到屋企又覺好悶添。好在有小朋友! ^_^

又再去睇醫生

蜜柑帶左飛碟都有十日啦，但佢個傷口依然冇好轉，不單止，好似仲差左。所以今日一早起身就唔理三七廿一帶個仔去睇多次醫生。而今次個醫生係搵返蜜柑一直睇開果個Dr Jane。

Dr Jane 話蜜柑好有可能係對某種食物敏感。而究竟真正原因為何？到現在都未敢肯定。醫生今次同蜜柑柑剃開少少傷口周圍的毛，咁樣可以睇清潔個範圍。佢仲見意蜜柑食一隻處方糧，同埋食類固醇。而且仲要繼續搽之前果支藥膏。唉~~好心痛。唔開心唔開心唔開心...........x10000