二月二十七日
今日十點幾起身左身, 之後達達同我去左婆婆屋企, 然後一大班人一齊去Parramatta食越南牛肉粉, 順便接埋大舅父嘛....
晏晝我同達達同媽咪三個去左Burkenhead Point 買野, 買左幾件衫...... 多謝達達 ^^
後來啦, 返左婆婆屋企, 點知有個人囉, 去左訓覺....咁我同媽媽同婆婆三個去左買野囉....
嘻嘻....最後我同達達一家共七個人去左Ashfield食晚飯....
食完飯之後就返左屋企囉....點知睇到 mika 有個 miss call, 咁就 call佢啦, 哼! 個衰婆竟然自己一個去左 Kidy 屋企偷貓囉....好衰架....我又想去呀....佢有叫我去架, 但 Hornsby 咁遠喎...有o的心動架, 但係理智叫我唔好咁夜去啦, 第二日要返工....唉....悲哀.....好想見加菲ball....
Anyway 好開心呢兩日可以同達達一齊...不過又到星期一囉, 我地兩個又要返工lu....又有排見唔到佢lu :(
算啦, 工作至上, 我會比心機做野架啦 ^_^
二月二十六日....
今日一早起身收拾屋企, 洗衫, 跟住約左達達o係 city 食lunch, 我地食左韓國野, 好抵食架....跟住佢要返公司繼續返工, 咁我就幫佢婆婆返去Bondi 間pharmacy買prescription藥, 順便自己都去買少少野咁啦.....買完野返左屋企, 之後就即刻再出返 city 同達達同屋企人tea....後來我同達達去左影貼紙相...嘻嘻 ^++^ 之後呢, 因為大家都唔想再行, 所以我地決定返屋企啦...我地去左 Eastgardens 買野返屋企煮, 點知見到 Jano...我地夜晚睇左拍直burn俾我o既神經俠女, 係 Eason, Joey 做架....都幾好笑....
去Mika屋企食飯
今日有五個傻婆o係Randwick 出現...哈哈哈哈....
當然就係加菲媽同佢個兒甥女Carman, 同埋Cora 仲有Mika 啦....
我地尋晚傾好要去Mika屋企玩架嘛.....仲有食飯添呀....
今晚我地五個玩得真係好開心~ 同埋食左好多好好嘛o既野食....
希望o係Carman同埋Cora 走之前可以再多幾次咁樣玩就好啦....好開心可以識到佢地~雖然只係識左佢地唔夠兩日囉...hahahaha.....
達達今日打電話俾我果陣時呀, 呢幾個傻婆係度笑人呀, 咩呀? "我最憎人 xx 架" <--大家請加以聯想力諗下呢兩個XX係點解啦....呢句話成為左我o既金句啦....(笑, 笑咩呀笑Mika呀, Kidy呀....)
o係呢度我要多謝Mika啦, 今日真係辛苦佢啦, 我又食又拎唔好意思呀....
又是五個傻婆呀
今日五個傻婆又聚在一起了, 目的地是Mika的老家。由於沙灘貓要上班, 所以只可五點半下班後才到。Kidy, Carman, 和 Cora 在下午已經在Bondi Beach 游完水後到Mika家洗沖了....
嘩~Kidy晒黑了呀...hahahaha....
她們四個傻婆一早便在玩焗日本cheese cake, 我到達後, 她們啦, 立即在開台打麻將了啦~ 我又不懂打, 所以只好在看DVD啦...看了很多次Hacken+Joey拉闊音樂...hahaha...很開心, 氣氛很好呀!!
之後到八時多啦, 我們便開始煮飯吃, 嘩...Mika弄的生菜包很正哦, 比酒樓弄的更要好...之後有很濃的雞湯, 還有我一生人中覺得最好吃的蒸蛋...嘩...我們五個人都吃得呆了 O_O"
最後, 我在便拿一早弄好的cheese cake 來吃...嘩~~~~很很很好味呀~~~~~~
我拿了四份三個回家...嘻!
很開心呀, 不過很掛住達達貓, I love you 達達貓...
好開心去探加菲啦
今天下班後Mika來接我到Kidy家玩, 因為Kidy有個兒甥女和一個朋友前天從香港來住在她的家, 那正好呀, 我又可以認識新朋友啦~
我們五個女生一起焗蛋糕, 因為cora從香港帶了一個弄蛋糕機來, 於是我們焗了Chocolate mud cake 和一個 Lemon Pie...好好好好好味呀 :D
在焗蛋糕的時候, Kidy 替我和Mika剪了頭髮...哈哈...我們現在三個的髮型都是一樣的啦....真的很好笑....
今晚真是很好玩, 明天我們五個又會聚在一起, 到Mika家玩煮飯仔啦....
很多謝今晚Mika車了我, 和買給我和貓貓的手信啦...明天見~
食飯
今日係正式返新office o既一日, 好開心, 好正。點知, 個msn同icq都俾老細block左, 所以冇得一路做野一路chatting...唔緊要啦, 有自己電腦用已經好好架啦....
放工之後, 達達和他媽媽, 阿婆仲有大舅父上o黎我屋企, 食住家飯呀...所以達達一早放工就去左買野, 跟住六點半就黎到我屋企, 立即開始煮飯囉...
我地煮o既野有蒜茸蝦, 椒絲粟米炒牛柳, 西芹炒魷魚, 煎剝皮魚, 仲有一個湯....好好好好味呀....不過, 唔係我煮, 全部都係達達變出黎架, 我只係幫手洗菜, 洗碗, 切野 一_一"
好開心呀, 達達o既婆婆﹑媽媽同大舅父都好鍾意路飛同蜜柑, 仲同佢地玩得好開心 :)
今日係好開心o既一日 :D
今日係最後一日
今日係最後一日o係舊office返工, 由聽日開始, 我地就會搬去隔離街的寫字樓。我好鍾意個新office架, 有好靚o既景, 有海景, 有機場景....總之, 好正。以後我會有自己o既私人空間, 可以做自己鍾意做o既野, hehe.....不過, 工作時工作, 我係一個好認真工作o既人, 當然啦, 我最唔鍾意就係o的工作時玩下玩下o既人....
今日我同個manager 嘈交, 因為我個department要搬, 佢開始同我劃清界線。算, 我都係由老細直轄, 你有乜business 上o既問題, 唔好問我, 你問老細啦。不過老細上次講到好明, 我地department既事係由我負責, 我要你 manager o既協助時, 你一定要幫我。最後一日返工, 先開始睇清人o既本性....哀哉哀哉....
今日個日記好火爆, 唔好意思....
又一個星期一...
尋晚訓覺訓到朝早四點幾, 達達貓來左一個message話佢訓唔著, 我醒左 0_0
跟住同佢傾左一陣, 真係好掛住佢....
今日返工老細話今個星期三就會搬 office, 聽日要開會討論下個 Procedure....
其實今日我有d唔舒服, 可能係尋晚淋過雨...不過食左d藥又好返d....
我耐冇返過o既教會...
真係好耐都冇返過教會啦, 諗起上o黎, 都有幾個月...阿媽話我都係咁架啦, 鬼叫間教會咁死遠....
如果唔係卓頌恩o黎悉尼讀書, 我都唔會想返去....(唉...講到自己好衰咁)
今日落大雨, 真係好誇張, 係傾盆......
同達達食完個 lunch之後, 就o係屋企等到四點鐘去車卓頌恩, 之後我地到左 Burwood教會....聚會悶到死呀, 我坐第二行, 但係都訓著o左, 釣魚釣到好離譜, 真係好過意唔去 (失禮死)。聚會完左之後, 就係晚飯啦, 一到左有野食時間, 我就生猛哂....食食食食食.....
食完之後, 走人囉, 我車o左Lily返屋企, 跟住上埋去佢度坐, 咁岩Salley 同埋佢男友Dennis 係度食飯, 睇足球小將....我同Salley, 卓頌恩識三個識左十幾年o既老朋友終於又可以o係埋一齊....haha...我地三個玩電話打返香港囉...首先我地打俾大之, 跟住Park Ling, 跟住係Mary....我叫佢地估我係邊個...依~~都唔好玩o既, 估到哂.....我諗住我同佢地唔係咁熟佢地可能估唔到啦....其實香港o既教會都冇乜人知我黎左澳洲, 佢地以為我仲o係瑞士又或者美國....Anyway, 今晚好好玩....
好開心o既星期六
今日好開心呀, 因為係星期六嘛....今日去左Greenbox唱K, 同埋達達﹑拍直同Jano一共四個人。
Jano 尋日先返到悉尼, 今日佢終於可以見到我o既男朋友達達啦。我地四個人去到Greenbox, 佢地俾左一間好大o既房我地, 真係有d豪華呀...唱左三個鐘, 好開心呀, 不過有人不停係度咳呢...
唱完K之後, 咁就走啦, 點知出面落好大雨囉, 好在拍直架車泊左o係附近。我地去左Ashfield食飯, 好開心呀....食左燒乳鴿...仲有好多其他好好味o既野....
今日真係好開心呀, 因為可以同達達一齊嘛.....佢下個星期會好忙, 所以可能好難見面。
大頭蝦
今日上班的時候, 接到一個電話, 某人說: "死啦~~唔記得帶鎖匙~~冇得開車呀~~"
哈哈哈哈~~~~XDDDDDD
最後, 他要步行到地產公司, 放底五十大元按金, 再拿鎖匙步行回家, 然後再把鎖匙拿回地產公司再拿回按金....單是行去地產公司也要15-20 分鐘, 一來一回, 不是累死了嗎? 哈哈哈...你們說好不好笑? 經常說我大頭蝦, 自己還不是一樣嗎? :P
今天很開心, 因為Jano終於回來了, 她是我的好好友啊...所以今天晚上下班後我連忙去找她吃飯聊天, 因為我們的真很久也沒見面了, 大概三個月吧? 她現在暫時住在一個Aunty的家, 今晚送她回家的時候在那裡玩貓咪, 是一隻約五個月大的貓女喔! 玩了很久才回家....嘻~
明天和拍直, jano 和達達他們去唱K....
情人節的生日party
媽媽們一起抱著生日的小朋友們吹蠟燭
二月十四, 情人節, 但, 情人不在身邊。。。
達達的爸爸因為二月十五日要回香港去, 所以當晚他要帶達達去和哥哥等人去見一個工作伙伴, 我也很體諒, 沒所謂啦, 這個所謂節日都是些外表的東西...
哈哈哈...二月十四日嘛, 除了是情人節之外, 還是我大兒子路飛和契女毛毛的生日, 是大日子啊~~一家五口竟然有兩個是同一日子生日, 我們當然要大肆慶祝一番啦 \(^0^)/ yeah~~
當然我們請了囡囡maggie上來我家一同慶祝。我們有pizza, 燒雞翼, 蒜茸包, 汽水...三個女孩子吃得很飽呀, 還一邊吃一邊看多拉A夢翼之勇者劇場版...我們三個都各自有男朋友, 無奈這天晚上我們三個desparate housewife在替小朋友們慶祝生日....真有點兒像"冤婦"的感覺 一-一"
吃飽後, 我們和小朋友們影了很多相呀, 我已經把相片upload 到 http://hk.photos.yahoo.com/imbeachcat 的相簿, 朋友們不妨去看看吧...
壓軸好戲, 當然是生日蛋糕和吹蠟燭啦~ 在那個長長的 Tiramisu 蛋糕上, 共有三支蠟燭, 一支是路飛的, 代表一歲, 兩支是毛毛的, 代表兩歲...我們先影了一些相, 然後就是唱生日歌啦~ Happy Birthday dear Momo and Luffy.....Happy Birthday to you....生日願望當然是貓地身體健康啦...最後, 我和ceci代表兩個壽星仔和壽星女吹息蠟燭...yeah~ 好開心 ^^
路飛﹑毛毛, 生日快樂 !!
鬧市巡遊
今天我跟達達去了市中心代表澳華公會參加巡遊, 情景十分頂盛, George Street 至唐人街一段路封路來配合巡遊。我今年是第一次參加這類巡遊所以覺得很好玩...而且我是列在最前排拿著會旗之一的..哈哈...很過癮 XDDD
![]()
*****
遊行過後, 又是和達達一家人吃中午飯啦, 然後達達的媽咪和婆婆來我家坐, 婆婆很喜歡路飛, 因為他很乖嘛....整天也伏在婆婆的腿上。婆婆還想佔有我的路飛呀...她想把路飛帶回家養呀...當然不能啦, 路飛是我的命根嘛....haha....
之後我們四人去了家附近的 Maroubra 沙灘, 影了些相...
接著我們又出city, 十個人一起去吃牛扒...正 ~
晚飯後, 就是去Double Bay 十人吃一個超級無敵勁大雪糕...hahahaha...
最後呢, 達達爸爸和大舅父送我回家, 當然, 也順道來探探貓地啦...
後天, 達達爸爸﹑三哥和婷婷便要回港了, 我想也要在香港才能回面啦...take care
藍山之旅
這個周未很充實, 做了很多事情…
首先, 要講講星期六…我和達達, 三哥明明和阿嫂婷婷, 還有拍直一行五人去了藍山一天遊 ，從回這個我住了一年的地方。出發時悉尼的天氣其實是很差的, 可是到了藍山後又變了藍天白雲, 真幸運。我們第一個景點先是Leura的Sublime Point, 即是我從前學校的所謂後山, 風景真美…之後我們到了Katoomba吃了個很貴的早餐, 再往Scenic World出發。在Scenic World, 我們一行五人由達達買了纜車票, 興奮的準備去乘纜車之際, 婷婷忽然說要退出, 因為她很害怕。所以最後只得我們四人去了, 害得達達浪費了一張票, 早知不買好過了…
Scenic World 之後, 我們一行五人到了這裡最出名的景點 Echo Point 看三姊妹石, 這裡旅人得多, 熱鬧得很。其實來到藍山, 不來看看Three Sister 的話, 便等於沒來過, 所以無論怎樣也應該來看看吧…最可惜, 婷婷好像很不滿的樣子, 一場來到, 竟然沒有去看…這點怎樣也說不通吧….我和達達和拍直來過這地方無數次, 今次來的目的其實也只是陪明明和婷婷來玩的, 既然婷婷不想再繼續玩, 我們只好收隊回悉尼了…本來還打算去Janolan Caves 看鐘乳石洞, 這樣子我們只好回程了…其實我很不高興, 因為早在很久之前已打算帶他們來藍山玩, 加上我在山上住過了一年之久, 對這裡一草一木也很熟悉, 看來我可以盡 “地主” 之儀帶他們四處玩玩, 可惜…
除了我之外, 其實達達也很不開心, 因為他請了大假來陪他們玩竟然白廢了心機。還有拍直, 我覺得很對不起他, 因為我知道其實他是不來的, 但最後也偷了一個星期六去做我們的司機, 但旅程竟然會是無疾而終…
去旅行, 無論自覺好與壞, 最緊要是開懷, 何況身邊的人這樣努力地安排節目, 如果不享受的話, 整個行程也會變得失色。婷婷, 希望你會明白….我也是為你好…
雞年的第二日....
今日都是照常上班, 不過早上八時多正剛剛步入公司的時候有某人send了一個可惡的 sms 來說他今天要去Gold Coast 玩...可惡~~我對著我亂亂的書桌嘆了一口氣, 然後照常沖了自己一杯不甜不濃的奶茶....幸好, 書桌上路飛和蜜柑的照片在默默的鼓勵我~我又不自禁望著他們發了一分鐘的呆, 一邊喝著我的奶茶....
明天達達和家人便會早機回到悉尼, 我也會開車去機場接他們, 因此我已預先請了兩個小時的假。今天工作都算可以啦, 有些少忙, 加上send去文萊的幾百件貨又要我點算, 令人有些煩躁~~原本點貨些工作都不是我做的嘛...氣死人 !!
明天要遲上班, 所以今天便留在公司加班到六點半, 希望盡量把明天早上的部份paper work 做起...明天晚上去達達的婆婆家吃飯拜年, 星期六會去藍山short trip...
George~牠死了, 在年三十的那天在家裡熱死了, 不過Georgina還活著...很可憐, 最可憐的是小Billy, 聽說那天晚上, 他們一家人在後花園舉行了簡單而隆重的葬禮, Billy 掘了個小洞, 然後把George和牠生前最喜歡玩的玩具一同埋葬了...Rest In Peace George~~
好掛住達達貓~
年三十晚
今晚年三十晚, 當然要一大家小食團年飯啦...很久沒試過三母子一起吃飯了。所以, 今天下班後便去了買材料煮一頓好的給兩個小寶寶吃...買了Snappy Tom啦 (高級三文魚和完隻蝦肉), 和一些新鮮雞肉。
回家後先煮好自己的晚餐, 然後便煮小朋友的晚餐, 我們一起吃團年飯 ^~^
看見我的小朋友在長大, 蜜柑不知何時開始學會像真的貓在喵言喵語...而路飛王子的身形便是越來越胖 一_一"
我真的很愛兩個小兒子, 如果有人要欺負他們, 我可是會用我的性命跟那人拼過!
****
說回這兩天的事, 昨天晚上跟達達和家人吃韓國燒烤, 然後再到Wenthorth Park看賽狗。而今天一早達達和家人要去Brisbane 玩幾天, 所以我們早上四點鐘便起床出發去機場...至於我, 因為請不到假所以便只好留在悉尼了...今早送了他們到機場後便獨自會家睡覺, 七點又再起身上班 一_一" 真沒趣.....哼 !
年宵市場 (2)(3)
年宵市場重頭戲在星期六日, 天氣很好, 吸引到很多人前來。達達負責搞的這個project對他來說是很重要, 所以他花了很多心血去plan這個market, 可惜他在最重要的時刻病倒了, 幸好, 這裡還有很多人幫他忙, 所以這三天的花市他到可以在六七時離開...
我做義工的工作, 就是在澳華公會的攤位幫手"吹揮春"...哈哈....就是啦, 有幾位老人家義工寫揮春, 然後我的工作便是用風筒把墨水吹乾....
我的工作就是這麼簡單, 不過我可是由早上趕到六點呀, 要站在也很累嘛....
這個揮春攤位其中最幫得手的當然是拍直囉, 他真的很賣力地去做, 而他的工作就是打點一切翻譯的工作啦, 登記啦, 收錢啦, 招攬客人啦....如果沒有拍直, 這個攤位可能不會有這麼多人來幫襯...
這幾天, 最辛苦的都是達達啦, 帶著病整個場走來走去, 第一晚他還累得偷偷地嘔了出來, 慘慘...
今天和昨天花市過後都是跟達達的家人一起吃飯, 今晚還去了金唐吃龍蝦呢...嘻嘻 ^^
晚飯後, 我和達達, 和達達的哥哥和阿嫂, 四人一起去遊車河。我們先去了看The Rocks 的夜景, 然後再去Bondi Beach。之後他們到我家探訪一下小朋友們, 因為達達的哥哥也是愛貓之人嘛...
我今晚發脾氣了, 很久也沒有發怒, 因為我看見家裡竟然有小強, 而且還是一大一小的。我家由搬入至今從未見過有小強, 不明白一來便來兩隻。所以我立即聯想到應該會是ceci一個朋友的行李今天開始暫放在我家一個多月, 而他家是有小強的....明知我的死對頭是小強嘛...今晚一定不好睡 :(
花市的第一日
今天是星期五, 年宵花市的第一天。
早上要上班, 不知不覺, 竟然很想駕車回公司, 所以便開了車子囉, 車泊在Eastgate, 呵呵...是全日免費泊車哦...呵呵....
下班時是五點半, 我帶著疲累的身子到停車場拿回車子開了車, 但有一刻, 很想知道達達今天的年宵市場怎樣, 加上他生病了, 所以打了個電話給他。怎料聽到他說話的第一句是聽到很多的咳嗽聲...天啊, 病得很重。我毫不猶疑地便決定去market 看一看他...
到了market, 意想不到地, 很高興, 可以和達達的家人見面了。他們今早才由香港飛底澳洲。很熱鬧呀, 有達達的爸爸﹑媽媽 (今天是她生日)﹑哥哥和阿嫂 (這個阿嫂和我已經很熱絡了)。還有一直在澳洲的婆婆﹑兩個舅父和另一個哥哥....嘩....很多人 O_O"
之後我們一行十人一起去吃晚飯囉。And then, 他們決定去Casino玩, 所以我們也一起去了...達達的頭痛後來越來越厲害, 真的很可憐, 今早五點起身一直在戶外工作, 又病又沒有休息, 明天又要一早回去 market...如果病的那個是我而不是他那有多好...
天啊, 求你賜他力氣和健康的身體吧~
Welcome back~ 毛毛媽
今天ceci從澳門平安地回家了, yeah yeah yeah~
最開心的, 當然是毛毛啦, 因為媽媽回來啦。我的小兒子蜜柑也應該會很高興, 因為他可以理所當然地去偷吃ceci買給毛毛的私伙手信 (好味道魷魚干) 一_一"
達達今天病得很厲害, 整天頭暈加上咳過不停 :(
很心痛哦, 但除了叫他按時吃藥和多飲水之外, 我沒有什麼能做到。今個星期便是花市, 為了搞這個他忙了很久, 而這幾天會是最忙的時候, 我也很想陪他呢...
放工後, 我便急不及待回家看看ceci...嘻 ^^
之後, 我們和Simpson和囡囡一行四人坐著Simpson的新車 (朋友號) 去Bondi吃日本野...很開心 ^_^
