星期二返香港啦
好唔捨得兩個小朋友...其實都只係返香港一個月，但冇得見兩個仔成個月果種心情真係好難受。希望佢地乖乖聽話啦。
其實我真係好擔心，怕舅父湊佢唔掂。而今次小朋友唔會俾mika幫我睇住，因為佢搬左去一個好遠o既地方，搬左去New Castle。貓地，始終都係留o係自己o既 sweet home 好o的...加菲媽同我講，叫我應該放下心理障礙，全心全意放心俾舅父睇住，對佢要有信任。講就易，做就好難。自己o既心肝寶貝喎...邊度可以放心得落? 不過好彩佢話一個星期會上黎一兩次幫我睇住o的仔。呢度真係要多謝加菲媽。
慘啦~~舅父淨係識得同佢地玩，你叫佢幫佢地剷砂盤﹑照顧佢地，得唔得架？又成日餵魚干仔俾佢地食，我叫左佢唔好餵咁多嘛，鹽份高，唉...仲有，佢鍚蜜柑多過路飛架嘛，到時路飛會唔會冇人鍚架? 一諗到呢度就想喊...我真係好後悔唔想離開佢地一日...
路飛蜜柑，爸爸媽媽好快返黎，到時會買好多手信俾你地。媽媽最鍚你地!
好滾動
路飛契哥芒果弟弟 偶爾來渡假也不錯
坐頭等
Big Day 越來越近，仲有唔夠三個禮拜。到左呢個時候，預期中的事情終於發生了。兩邊o既「大人」們揮霍地請得太多人，個廳o既圍數去到上限，無得再加。點算？唔通叫人唔好來咩？於是同酒店個負責人商量，決定俾我地用最大o既 Ballroom，可以擺多好多圍。超正，超豪華，淨係睇佢樓底已經有23尺高，簡直係六星級享受。呢種情形就好似坐飛機由普通等免upgrade坐頭等咁。爽呀~!
Dennis 阿婆尋日上網見到Dennis，中學同學，而且有一年仲係經常坐我隔離位，所以舊屎同佢成日都好好傾。以前佢有個花名叫做阿橙，後來唔知點解，個花名變左做「阿婆」。真係好好笑! 阿婆一直keep住同我有斷斷續續的來往，都係icq﹑msn...印象中o既阿婆個樣已經好搞鬼，而且講野仲文奏奏的 (可能係睇得小說多?)，所以你望住佢講野o既時候真係好好笑XDD
尋日睇左Dennis o既Xanga Blog, 我直頭笑到扒左o係度，點可以有人夜晚黑踩單車撞倒隻牛架? XDDDDD
新外貌
今朝好無聊，忽發奇想用左成個鐘去炸炸淋改左個blog o既外觀。畫隻貓最麻煩，個mouse一o的都唔聽駛，表現出我畫畫係多麼的差勁。Anyway, 如何 ^_^？
Pictures of the WEEK
long頭佳品
喂喂...訓到出哂界啦仔
迫爆
傳說中的貓太極
一個曳到出「汁」o既小子
吼~~~
完全失去儀態o既小朋友
動物園叔叔
開餐囉
當薑白遇上薑．白
兩個小小朋友變身成了...兔子？
咳左咁多日係時候要出絕招了
雪梨燉川貝
今日終於決定出唐人街去中藥舖買川貝。買左一兩，分開左三包，可以分三次食。之後就去買左個燉盅仔，同幾個雪梨。藥材舖個老闆話要放o的南北杏一齊燉，燉兩三個鐘，如果怕苦就放少少冰糖。
今日達達個媽咪同婆婆都有一齊去同我買野，佢地話食左包我唔咳喎。希望飲完真係唔咳啦!
路飛的生日禮物
這個是爸爸買給路飛的生日禮物
這個是我的情人節禮物
話說路飛爸爸買這兩件禮物的時候:
爸爸: 我要這個貓日曆呀唔該。
店員: 要不要用這個情人節禮物紙幫你包起佢？
爸爸: 好的唔該!
爸爸: 啊! 順便我要埋呢張貓床，我隻貓今日生日。
店員: 係咁...要唔要...包起佢？
爸爸: 你包埋佢得架啦，我個仔識得自己拆禮物。
XDDDDDDDDDDD
以下由路飛示範訓新床仔
路飛兩歲生日快樂!!
渡假村第一住客
嘩哈哈~~!! 芒果米米撈來我家渡假十二天! 嘩哈哈~~!!
是日休息
昨日達達的爸爸﹑大哥﹑大嫂和bb 都一起返香港了。拍直也在前日乘早機回港渡假，並為他要作我們的伴郎做好準備..哈哈哈!! 至於達達的媽咪則留下來Sydney至月尾才跟我們一起回去。
咳得很厲害的我，昨日終於忍不住看了醫生，原來我已弄至「上呼吸道炎」這個地步，結果都是開了抗炎藥給我。今天整天在家休息好了，這一排實在是搞得我倒下來了。沒法子啦，誰叫我身子弱。
這一次的病，我發覺真的沒有人問候我一句。我在併命的咳，他們就繼續的聊天。在賭場消磨了一整天(還吸了不知多少二手煙)，本來晚飯完畢後心想終於可以回家休息了。誰知有人竟然提意回去賭場再玩。其實那時候我真的很怒! 十個成年人裡面，每個人都只是顧著自己。沒有一個人覺得我病成這樣，需要回家休息的。於是跟他們去Star City一玩就是玩到深夜才回家，而我的頭就好像被轟炸機炸的一樣，痛得很厲害。這些人，很沒人情味。
噢...病了
經過多日以來連續的辛勞，我終於病倒了。病症跟上次在香港那次很相似，都是咳咳咳...然後就是頭痛。
咳到連覺也睡不著，身體一躺臥下來便咳，要是坐起來又不咳了。難道要我坐著不睡嗎？試過飲川貝琵琶膏，無效。Codine Phosphate，Codipront 等藥，都無效! 一直是咳咳咳....咳到早上五﹑六點鐘才能入睡。很辛苦...天啊!! 可憐我吧!
食食食....食
呢兩個星期我好忙，忙於陪住我未來老爺奶奶...佢地每年都會黎sydney探親，幾十年不變。
而我呢，就日日都陪住佢地，跟出跟入，車出車入。因為佢地住婆婆屋企，which is quite far away from where I live，而佢地個仔達達就要返工，所以每朝早我就去婆婆屋企接佢地全部人去飲茶...如是者我已經飲左兩個禮拜早茶。而晚晚都大魚大肉，中間仲要夾一個afternoon high tea。係咁食食食食食食.............
我聽日同後日都問未來老爺奶奶拎左兩日holiday，因為力妹and 佢個蝦子餅會黎sydney 玩兩日。呵呵呵~~終於有得玩了。我都係見過力妹一次咋，佢係拍直小學同學，同達達係好朋友，今次會做 my wedding's MC，所以有好多野要同佢當面再傾...至於佢蝦子餅，呵，我從來未見過佢蝦子餅，做警察架! yeah~(阿sir唔好拉我XDDD) >.<
草草了事
最近新種的小麥草，到今日為止已經有5cm長了。
好多日冇update過個blog。我咁耐唔寫野通常只有兩個原因: (1)心情欠佳。 (2)好忙。
今次，係後者。皆因我未來老爺奶奶上個星期日過左黎澳洲探婆婆，所以要成日陪住佢地。
路飛o的糧今日食哂啦，打算今日去pet shop買糧。因為上個禮拜五﹑六﹑日都要陪佢地一家，變左只好今日星期一買啦。點知九點半起身就收到電話，要飛身趕去陪佢地去chatswood飲茶，之後就陪左佢地成日，返到屋企已經係夜晚十點幾。
所以，路飛，媽媽對唔住你。你只好食蜜柑o的糧先啦，乖~~~。聽日星期二，你o既太婆﹑爺爺﹑(女麻女麻)﹑細舅公﹑二伯父﹑大伯父﹑大伯娘﹑堂細佬(bb)加埋成十個人都會過黎我屋企食飯。媽媽要煲花膠湯，仲有薑蔥炒蟹(等等等...)聽朝應承左同佢地去Bondi行街，我諗路飛o的糧都係要壓後，唔緊要，聽日開罐頭啦!小朋友...
