沙灘貓的私家海灘

2009/05/03


2008/07/26

噢...這裡的塵十幾寸厚

幾乎忙了這裡有個blog...haha...好吧, 來post些相...





2007/10/22

哎喲....

慘不忍睹...這裡的post是幾個月才一次, 也沒有路飛蜜柑的update...貓奴好像越來越遠離網路世界...相機呢? 可能已經發霉了...好在路飛蜜柑還沒有發霉 XDDD 可口可樂也....



2007/09/26

嘩哈哈....XDDD



睇到呢度笑到噴飯....
而家睇到少年jump 講到 Brook 佢終於拎番佢個影子啦...希望佢會再次答應路飛加入草帽一味啦....

2007/07/14

近照

2007/02/14

路飛生日快樂!!!




今日情人節係路飛大日子,有禮物收,有大餐食。。。開心得佢。。

路飛仔仔,爸爸媽媽永遠愛你。生日快樂~!

2007/01/17

我的路飛扮雀仔叫

路飛每逢見到有雀仔經過佢就會扮雀叫架啦...好得意...而家搬左黎新屋多左個後園,路飛就成日坐o係窗前扮雀仔叫...(觀看video請記得開 speaker!)

2007/01/14

特會

四日三夜全教會特別聚會營順利完成。得著很多,感謝主。有七十多人參加。
最開心的就是老公也有入營,而且看他也十分起勁。不過他的房間在晚上會聽到「鼻寒協奏曲」,真是可憐。
最有得著的就是講第三晚的但以理書,希望這個也成為我的負擔。
出了camp之後有點失落的感覺,不知要等到何時才有下一次camp呢?

2007/01/03

死敵



路飛蜜柑o既死敵...就係呢條靚仔。佢係邊個? 佢係康康—即係我老公個大哥個仔,亦即係路飛蜜柑個堂細佬(比路飛蜜柑細半年,馬騮仔一隻)。

每次佢黎到我屋企路飛蜜柑都係驚到走夾唔頭...

不過佢好鍾意我家路飛,佢好明白如果想被兩個堂阿哥接納,就一定要扮貓...可惜...路飛蜜柑覺得呢個堂細佬似人唔似人(太細小),似貓唔似貓...撞鬼咩...

路飛蜜柑話: 都係呢番埋入個衣櫃裡面安全o的...

2006/12/27

是日貓相






2006/12/20

新居終於入伙

新居入伙啦,由於搬家期間蝦子餅入廠住左足足一個星期,醫生叫佢小心身體,因此搬屋o既 90% 工作係由阿Ben一手包辦。Pack箱﹑拆野﹑清潔打掃﹑搬運﹑裝嵌﹑重組﹑發司號令﹑都係多得阿Ben,冇左佢,搬屋咁多野搞都唔知點算。所以我係非常衷心感激阿Ben,多謝你的幫助!!!!

另外阿Sam 的幫手都唔小得,佢都幫佢我地好多好多,佢仲要放工就連休息都冇就黎幫手,第二日仲要返工...多謝你阿Sam。

拍直......你都有幫到少少啦,都多謝你!

路飛蜜柑,你地冇搞搞震,唔該哂。

而家間屋樓底太高 (3.1米), 有好大回音,路飛喵叫聲x三倍。

佢地而家仲未好get used to 間屋,今日佢地仲打交流血,可能心情唔好掛...希望佢地快o的適應就好啦。

2006/11/29

Presentation

今日公司做左一個managers performance presentation。兩粒鐘悶到爆...行出去個台做presentation 好似以前讀書做present咁....笑死人...真係老土...真係唔知幾時可以搵工轉...N記又仲未有消息,唔通又要好似上次咁等足三個月?

路飛越黎越可愛...真係好愛你呀路飛。媽媽錫咁你,好錫你好錫你。

澳洲終於等到有Natural Balance貓糧賣啦...我一次過買左11包。買十送一,兩包幫加菲媽買,兩包幫mika買。另外自己仲有7包,有限日期到2008年2月,兩個仔有排食。點解要一次過買咁多?梗係啦,呢o的野買多o的好o的,話唔埋又好似香港前排咁out of stock,兩個仔要斷糧咪好麻煩?至於Innova Evo,唔係唔好,不過想幫佢地轉下糧,同一隻糧食得太耐都唔好,書本係咁教的。

就快可以搬屋啦,好開心。睇下蜜柑幾可愛?

2006/11/22

落雪...火風....玩死人

2006年11月17日,澳洲東部天氣嚴寒,悉尼山區地方氣溫低至零度以下,多處地方落雪及落冰雹。

5日後...

2006年11月22日,澳洲東部天氣酷熱,悉尼山區地方氣溫高至37度,多處地方有山林大火,火勢猛烈,災情嚴重。

2006/11/18

N記

當我以為自己三個月之前冇行入N記,當我以為佢地話offer 一個position俾我而又冇實際行動要我白等,當我心灰意冷地加入左另一間公司做到心灰意冷o既時候...奇蹟終於出現!! 前幾日N記打電話俾我問我仲有冇興趣加入佢地公司,問我係咪做緊野。

我o既回答: 係。我o係xxx公司做緊xxx position。
N記: 佢地而家出咩薪水俾你?
我: 佢地俾我o既薪水係同你地上次offer俾我o既一樣。
N記: 係咁,我地出多$6000 俾你好唔好?
我心諗: 依? 好喎...反正我而家仲未過probation,要走隨時都走得。

於是,我當然好笨咁冇同佢地講價,就應承o左佢地 (其實我如果講下價都或者仲可以添多d,不過算啦)。

好開心,感謝神俾我有呢個機會,感謝"祂"安排。

不過...星期一我要再去多一次N記見多佢地一次。算係一個2nd interview咁上下,因為佢地想update一下我o既現況。希望今次interview 我可以表現得更加好,可以入到呢間公司係我一直o既願望,而家離願望不遠了...

2006/11/07

新的趣味

自從買新屋的事情逐漸步入最後步驟後,我們的注意力開始關注到裝修和買新家俱的事情上。

一日到黑自不然就會想起房間要換木地板的事情,雖然約好了今個星期六去選木,畢竟覺得太興奮了,很想快點到星期六。

上星期也到大型家具廣場選了一張床,還有看中了一套沙發。浴室的花灑我又看中了好幾個款式...

家具要買的其實不多,主要缺少的必定要買,但大多數的還可以繼續用。我想遲些再儲多一點銀兩再換家具也無妨。另外還要開始著手整理花園和鋪地磚的事宜了,花園不細,所以要花的錢相對地多,不過倒是一個趣味。

聖誕節快到,貓爸更說到要買一棵聖誕樹放在屋外,還要掛很多聖誕燈式...看來這個倒有點不切實際。

很快便要開始供數的生活了,以後很少機會花無聊錢,希望可以快點供完,我才不要等三十年呀...

2006/10/28

終於...買了

一間屋。

2006/10/22

導航


今日又多一件新玩具啦...終於買左部GPS衛星導航,而且仲係我鍾意o既顏色。

呢個model唔係最新款,不過勝在夠易用,操縱簡單,又夠大聲(最緊要把女人聲都幾好聽),夠清楚。裡面有全澳2007年最新地圖,仲可以同時play MP3。有個SD card 槽可以支援 2GB,內置512MB。頭先返頭企試用左,帶左我地行一條平時唔會行o既路,點知仲快返到屋企。佢recalculate 路線又快又準,仲好用過拍直借俾我果部(no offence Patrick!)XDDDDDDDD

2006/10/08

分頭行事

今日貓爸去了Joan 和 Eric 的教堂婚禮,晚上出席他們的婚宴。而我呢,卻是去了Maria 和 Dylan 的婚宴。本來說好了我會去Joan 的婚宴的,但 Maria 的婚宴又不能不去,所以只好分頭行事,一人去一個好了。祝Joan & Eric 新婚快樂,永遠都咁幸福啦。

2006/10/03

上一週的總結


星期一:返工九小時。

星期二:返工九小時。

星期三:返工九小時。

星期四:返工十二小時。

星期五:返工十二小時。放工之後除左覺得自己這個星期"蝕哂俾公司"之外,另外沒有什麼特別感覺。

星期六:一大早起身去首都砍培拉看花展,好累。之後同大哥大嫂食飯。

星期日:去同大嫂行街shopping/返教會。

星期一:公眾假期是日休息,留在家煮飯等大哥大嫂來食飯。拍直帶左佢部 XBOX 360 來我家玩。我覺得這部 XBOX 360 和我家的電視很相襯,我相信未來的日子我總會在拍直手中強搶到它會來的。

2006/09/20

新工作

六個星期o係悉尼北一間IT公司做 analyst o既工作聽日完滿結束。今日已經開始執野走,淨返一個杯o係檯面。有少少唔捨得咁啦...開始同果度o的人熟落左又要走啦...
不過,星期五我又會開始另一份新工作。今次呢份我希望可以做到一年半以上啦 (暫時未有一份工做超過年半)...星期五就會返新公司有induction同sign contract...遲o的就會知道有咩騎哩新同事...嘻~