沙灘貓的私家海灘

2005/08/31

延期

今次返香港要延期一天了。原定十月二日坐中午機飛香港, 由於達達突然要出trip到北澳幾天, 他要十月二日坐晚機回到悉尼, 因此我們也趕不上當日坐中午機了。我們要delay一天....十月三日才能走....

2005/08/28

兩小無猜

2005/08/27

Farewell

尋日放工之後, 成班同事去左同我farewell, 雖然我的 last day 係九月十六日, 但係因為有一個同事下個禮拜一要放三個星期大假去希臘旅行, 所以要就佢提早同我farewell...

我地去左Star City食buffet, 總共有九個人。當然, 我老細係唔會來的, 點解? 就係因為佢同其中一個同事(要放大假的那個)係世仇, 所以為免有意外發生, 我地都好識做冇叫到老細, 佢只係叫我玩得開心d...

其實本來仲有好多同事都想來, 但都係can't make it, 所以唔緊要囉, 我地九個人都好開心。我係online department 既人, 其實同其他所謂同事都唔係咁熟落。同我最要好的都有黎: Florence, Angela 同佢男友, Pat, Carmen & 她老公, Esther & 她老公。Carmen佢送左個貓貓手袋俾我, 係佢自己整的, 仲有一個好靚的相架, 同一隻貓貓公仔...好開心呀!!!! 所有禮物我都好鍾意^_^

尋晚我間大廈6至10樓都停電, 搞到我地要點火照明, 好在而家有番電啦...

聽日係拍直生日, 我地要同佢興祝一下呢...

2005/08/24

笑笑小電影 [路飛蜜柑小揭秘]

拍攝: 拍直
編導: 拍直
配樂: 拍直
演出: 路飛; 蜜柑

經理人沙灘貓推介: 保証好好笑!


按此下載 (format: real player)

本片兒童不宜

2005/08/22

Blog Tag

Ric. 馬城傳給我的, 多得他! XDDDD


Blog Tag遊戲,規則很簡單,開始遊戲的人出一個題目,在自己的blog上寫下答案,然後把題目丟給另外五個人,在文末附上這五個人的連結,並且到這些人的留言版上留下:「哈哈!你被貼了。」(哈哈是我自己加的)。這五個被tag到的人,在自己的blog引用(並附上連結)是從哪一個blogger那裡傳來的題目(這時候「引用」功能就很好用),然後寫下答案,再去貼另外五個人。如此繼續下去。

遊戲規則::Game rule
1.被貼後,請寫5項個人怪癖
2.然後請再轉貼5個人

---

1) 潔僻! 潔僻! 潔僻! 入屋一定要勁洗手 (無論在別人家或自家)。

2) 覺得錢是世界上最污糟的東西之一, 掂完錢一定要勁洗手 (在家裡一定要)。

3)洗完面一定要用指定牌子的抹面tissue抹面, 因為抺面布是不衛生的。

4)摸完門鎖一定要洗手。

5)喜歡和有"lai" pat pat 習慣的貓地們KISS!!!

---

里斯
傻鴨"son"
cym
Siu Fu
tattat

2005/08/20

呵欠~~

2005/08/18

嗯...我冇話可說

今日返工好忙的時候, 突然媽媽在香港打來...

媽:[你估我在那裡]

我:[媽, 我很忙...我怎知你在那裡]

媽:[我和爸爸在Disney耶~(其實只是在門口)]

我:[Disney好像還未開耶...你去那裡幹嘛? 另外, 我現在很忙...]

媽:[我和爸都想去88嘛...]

我:[你又去做那些大群人都會去做的事嗎? 你們又不是未去過Disney...(幾年前才去過東京和法國的)]

媽:[放假去88嘛...還有還有...]

我:[....我很忙, 收線好嗎?]

媽:[不, 有幹嘛好忙的? 和我傾計吧...]

我:[媽...bye]

嘟~~~~

2005/08/17

第二代的12M寬頻

新居搬好了, 但當然還有很多的要收拾啦。說起來很好笑, 因為新居正正是舊居的樓上8樓。雖是如此, 8樓真的很不同。在悉尼市郊, 8樓高的apartment便是很高的了。新居是對著Botany 海灣, 和望到機場的飛機。房間除了可看到Botany 海灣之外, 還可以看到悉尼市的景色和那個悉尼Tower。很喜歡新居。我可要把它弄得很美呢...

申請了新的第二代的12M寬頻, 這個是新的東西...聽起來真的很厲害哦...香港家裡的"網上爬"3M 我覺得已經是很快, 12M...不知會是什麼一回事? 由於是第二代的寬頻, 因此要用第二代的modem, 我的第一代已經不合用了。拍直他說會送我一個新的Broadband 2 wireless modem 作新居之喜...多謝拍直!!!

2005/08/14

搬家了

今日要搬家了, 這台電腦也要搬走了。在internet未re-connect之前, 我可能有一陣子也不能在家上網。不過新的internet將會是新的Braodband2...應該會很快很快^^
路飛蜜柑, 要乖乖跟著媽媽走哦!

2005/08/10

今日我辭職了

實在係忍受唔到公司最近的變化, 業績己比去年同期增加一倍, 但人事依舊。我實在沒去再承受種種全都歸於我一個人身上的工作壓力。猶太人始終係猶太人, 佢地精打細算, 所有事都要100% perfect 的做事作風我不能夠承受了。今日放工之後, 我獨自走到洗手間祈禱, 跟住走入老細間房同佢辭職。佢當然有挽留我啦, 不過我心意已決的事係不能改變了。我俾左一個月 notice 佢, 9月中會走, 佢都會夠時間請人同train人。其實我好唔捨得離開, 無奈做了一年我好想轉工了。我最唔捨得都係老細, 諗返當初開始時只係我同佢兩個打天下, 一年內業績做到全澳第三大仲拎埋award...到左而家佢成個人變哂。我要走啦。

2005/08/09

「家」和「事」

再過幾天便要搬家了。要搬到八層高的單位。昨天己搞定了所有重新接駁的電﹑煤氣﹑電話﹑寬頻等等...也約了洗地毯公司星期六來清洗地毯。也要去找安裝紗窗的公司, 客廳露台一個大窗, 廚房和兩間睡房各一個, 總共有四個窗要安裝紗窗...預計要二百元一個, 四個就要大約八百澳元。多可怕的開支...不過是為了小朋友們的, 所以貴一貴也值得。

自從香港回來以後, 公司的運作變了很多, 我總覺得此地不宜久留了。所以決定做到9月份便辭職。十月二日我又要回香港辦點事情, 所以時間來得正好。從香港回來後再找工作吧。在找到另一份工作之前, 我就做一下全職「C9」啦...哈哈...在家湊小孩 (路飛蜜柑), 做早餐, 做晚餐...等等等等。雖然沒有了工作會少了很多收入, 相反又要開支, 不過就當是用錢來買昂貴的「C9」假期吧!

今晚同貓爸爸商量過, 他都很支持我的決定, 多謝你, 小朋友的爸爸 :D

2005/08/06

Livly



今日發現島屋又賣新島啦 (0dd), 又幾靚bor...我0係島上面種滿鮮花...哈~!

呢排返到公司第一件事就係餵我0既小寶貝﹑同佢去廁所...其實我對呢個網上寵物遊戲冇太大好感, 只不過上班時耐不耐走去餵下佢, 又或者放浪去其他島偷鑽石, 又幾過癮...不錯不錯。呢個我通常0係屋企都唔會玩的...呵~

2005/08/04

文明世界的殺人武器

曾經在美國生活一小段日子, 911發生當時我住在中部一個軍事小城, 那裡專門訓練軍人, 並且有核子武器生產的基地。你可以叫那裡作軍人鎮, 因為街上的人甚至是我很多的同事, 都會有一個Milatary ID 放在錢包(凡是軍人家屬即可擁有), 買東西住酒店會有折扣。

911發生以後, 被美國軍人思想俘虜的我從未理性客觀地思考過整件事情。也有好幾個朋友誓死為美國到伊拉克征戰, 其中一個好朋友在未出戰前在家吞槍自殺。

其後父母都擔心我在美國的安全, 他們把我送到好像是和平一點的澳洲。在那裡, 我逃離了大美國主意。

美國出兵伊拉克, 殺死了六十萬平民。印尼海嘯, 都只不過是死了二十多萬人。在我從前打part-time的小店, 有一個移民到澳洲十多年的伊拉克女人, 她也是個和藹可親的人, 是一個基督徒。有一天, 她在店裡上班時忽然接到丈夫打來的電話, 告訴她在伊拉克的哥哥在一次平民空襲中死了。她在霎時間哭成了淚人, 傷心得差點昏暈過去。


巴里大爆炸﹑西班牙恐怖襲擊﹑倫敦大爆炸等等向文明挑戰的行為, 應該由誰來承擔責任?

西班牙和英國因為表明其作為美國走狗的立場, 派兵到伊拉克協助美軍, 因此落得被襲的下場。身為大島國的澳洲, 她的總理霍華德(John Howard) 也跟隨這頭狗, 象徵式地派兵了。至於澳洲會否落得像西班牙英國被襲的下場還有待時間去證實。不過我可以保證澳洲第一大城市悉尼一定會是落手的好對象, 也就是我現居的城市。

假若恐怖襲擊真的發生了, 請不要首先怪責阿蓋德吧。是否應該先要含掉布殊的頭和算霍華德的帳呢?

2005/08/03

飲得0既蜜柑?

上個禮拜行過地利店見到呢支飲品...我...毫不猶豫便買了下來。蜜柑原來都幾好飲架 XDDDD

2005/08/02

找工作

漫長假期已經結束, 今日第一天回到現實世界。返到office, 同大家寒暄一番之後, 坐回自己的桌子。路飛蜜柑的照片依舊對著我微笑, 但我的一隻兔子毛公仔被人惡意倒吊在牆上, 真可憐...

放假後返第一日工, 已經感覺身心疲倦, 今日老細又不在, 我斗膽在工作時間研究上網找工作, 發覺我這行業都會頗多就業機會, 但大多數都要多年關於這行的工作經驗, 我還只是做了一年罷了...很想快些找到一份好工作吧。下個星期我會搬屋, 就讓我安頓下來後便努力發信吧!!