沙灘貓的私家海灘: 8月 2006

電話...

o岩o岩同阿dom傾完電話，好開心。

手巾仔王子

一夜變成全國英雄的齋藤佑樹被人叫作手巾仔王子（ハンカチ王子），因為他喜歡在投手崗上不時拿手巾仔抹汗。今日在公司上網飲熱茶的同時看到了日本報章的一則報導 (其實是幾章報紙都有同一題目)，差點叫我將茶噴到電腦螢幕上....
報導說終於找到齋藤佑樹是用那一牌子的手巾仔，是一間叫西尾的手巾仔製造商。可惜那款手巾仔已即時賣斷市了，各大百貨公司的那款手巾仔同時起價，升了54日元。看來這個齋藤佑樹令手巾仔製造商發達了。一_一"

甲子園之道

甲子園之道 (video)

恭喜早稻田實！多謝你齋藤君！

早稻田實勝出了！三比四贏了上兩年的冠軍駒大！得到全國制霸實至名歸！兩天的比賽！最精彩的比賽！最感動的比賽！

多謝你齋藤佑樹！這四天以來投了共 553 球。是你讓我看見了什麼叫作不死的鬥心。很感動！辛苦你了。

多謝你田中將大！雖然是輸了，但雖敗猶榮。

不久你們很快便會走上職棒的道路了，我很期待啊。

再觀今日的比賽，一開始的兩局早實便先得了兩分。駒大竟然派二年生後備投手菊地打頭陣令人有點驚訝。就在這形勢下先輪一分，縱使第二局轉派了田中上陣，但己為時以晚。整體來說這場比賽都無論攻與守都是早實比較優勝。論投手，齋藤佑樹總共奪了十三個三振；田中只得四個。論攻擊，比賽到上半為止都是早實有較多安打。投手心理質素以我的觀點來看，是齋藤比田中優勝。在第九局駒大以一比四落後三分的情況下，中澤打出一個兩分本壘打成為今次大會第六十個全壘打。三比四 no out 追回失分。早實形勢不妙，因為是無死，下一棒是第四番主將本間。齋藤沉著氣，到最投關頭仍毅然向本間投出 147km 的球，空棒三振，表現出自己有多麼的自信。

對於這兩場比賽，本人覺得駒大香田教練比較喜歡用犧牲打戰術。以昨天的比賽第十三局為例，明明一壘有人，one out，卻命令第四棒的主將打犧牲棒。雖然我不敢質疑兩界冠軍的教練的判斷，不過明明是大好形勢卻犧牲第四棒是否一個明智的做法呢？最後本間還是落得三振下場，一壘沒有進二壘。像這樣的情況出現過多次，這樣的戰略未免過於保守而不設實際。

自己雖然心裡支持駒大苫小牧，不過看過這兩天的比賽之後，就覺得無論是那一隊最後會勝出，都已經不重要。最重要是看到那些十七八歲的小子們﹑在戰場上咬實牙關地戰鬥下去的那棵鬥志，實在令人讚嘆不已。我實在有幸看了到最精彩的決賽，多謝你們。早稻田實﹑駒大苫小牧！你們兩隊都是出色的球隊！

感動的決賽! 不分上下明日再戰!

從來未試過這樣感動的比賽。駒大苫小牧誓要拿今年冠軍, 達成三連霸的願望。另一邊廂西東京代表早稻田實狀態大勇, 實要拿下他們歷史以來第一次的夏勝利。三小時四十五分鐘的比賽，完全是投手戰。本來九局的賽事難分勝負﹑打延長戰到第十五局還不能有勝負。因此"再試合"安排明日再戰。是1969年以來第一次決勝戰需要延長再比賽。

雖然本人支持南北海道代表駒大苫小牧, 但早稻田實打得實在很好。投手齋藤投得十分好, 心理狀態甚至比人氣投手田中還要好。我很欣賞這個齋藤, 很有大將之風, 臨危不亂, 實在是一難得人才。球評們笑稱他為 "hankachi pitcher" (手巾仔投手), 因為他的經常拿一條手巾仔出來抹汗。兩隊都很有鬥志, 我從來未見過這麼令人感動的比賽, 看比賽的同時, 不禁地流下感動的眼淚。明日的再戰, 兩隊都要加油!

駒大苫小牧打入決賽!

南北海道代表駒澤大學附屬苫小牧高校打入決賽啦! 今日對智辯和歌山的比賽真係非常精彩~! 田中投手投得很好，slider, fork, straight, 全部控制得很好，不虧為今次大會最注目投手。比賽結果 4-7，一場緊湊的比賽, good game! 駒澤今日的 batting 真好，不過 fielding 就有幾個 error, 希望聽日決賽會打很更好!

西東京代表早稻田實業高校準決賽 5比0 勝鹿兒島工業學校順利打入決賽。明日對決駒大苫小牧。比賽完畢後鹿兒島工球員以笑顏祝賀早稻田實投手齋藤。實在是一場令人感動的比賽。

駒大苫小牧向夢想又邁一步!

駒大苫小牧進四強

73年來史上第二間學校向著夏三連霸的目標進發的南北海道代表，駒大苫小牧今日進四強。為了看這場比賽我不惜請假一天。比賽真的十萬分精彩，生死戰打到最後一刻。

對手是東大洋姬路，兵庫縣名校，並且有主場之利。東洋先攻，苫小牧投手田中。在第一局上東洋先奪一個兩分全壘打。苫小牧一直沒有得分，直至第四局再被奪一分。當時二死, 二三壘有人。東洋吉川打出一個二壘碌地球, 怎料二壘山口來個很嚴重的暴投，投失一壘，東洋再得一分。四比零領先。

到第六局下，苫小牧第九打者小林得到一個很重要的四壞上壘，打順卻由第一棒的三谷開始。三谷﹑三木﹑中澤﹑最後第四棒主將本間全得到安打。四比四同分!

第七局苫小牧再得一分。四比五反超前領先。投手田中越投越好，變化球﹑高速slider﹑ 高速直球，完全壓制東洋，最後守至九局勝利。

田中將大被譽為松坂以來最注目的投手。他某幾方面的控制及速度更加絕對在當時的松坂之上。除了Tokyo Giants 和 Nippon Ham 等職業球隊有球探表示對田中有興趣之外，遠至美國的New York Metz 都有球探對田中有很高的評價。然而﹐我覺得田中今天的表現未如理想。

傳統名校帝京vs. 智辯和歌山戲劇性逆點

這個又是一場十分精彩的比賽。兩校都是傳統棒球名校，多次出入甲子園。帝京學園戰略不妥，投手按排失策。到第七局為止是以二比八大比數落後智辯，但帝京並沒有放棄，在第八局追回兩分但仍是四比八以四分之差落後。到了第九局上，智辯若果守著便可勝利，怎料在 2 out 的情況下，帝京追擊，連續取得8分，以12比8反超前。可惜帝京在最後半局沒有守住辛苦得來的分數，教練投手安排完全失當，不斷更換投手，最後智辯再取多5分以12-13完場。

駒大苫小牧將會對智辯和歌山，到時又會是一番激戰。

甲子園

甲子園打到第二輪啦, 真係好好睇。我屋企係"野球家族", 我同爸爸媽媽都熱愛棒球。

以前細個打棒球o既時候有o的日本人波友仔間中借o的甲子園video 俾我地睇, 所以我細細個幾歲開始就好好好鍾意睇甲子園比賽。

全日本高校選手權大會。已經有近百年歷史, 今年係第88回, 即係八十八年啦 (大戰時期曾暫停過)。全國分做四十九個地區, 共有四十九間在地方大會優勝的高校可以"打入甲子園", 所以日本人都以曾在甲子園比賽過為光宗耀祖的事。好殘忍o既比賽, 因為係淘汰賽, 輸左就要"返屋企"。如果輪了比賽, 球員就會袋一些甲子園球場的沙回家作紀念...嘩..睇到佢地喊到成隻豬咁一邊喊一邊袋沙, 呢種場面好心酸。

青春o既汗和淚...熱鬧甲子園! 好好睇!!

1998年夏之甲子園曾經出現過一隻怪物, 松板大輔 (現任西武投手), 150km高速 slider, 令好多人看呆了。當年佢帶領橫濱高校春夏連霸甲子園, 史上第一次在決賽無安打無上壘 (No Hit No Run) 贏了京都成章。當時我為棒總寫過一編關於佢o既報導。

日本的北部地區例如北海道, 青森, 秋田等地的學校, 在甲子園歷史裡面從未有過出色的記錄。因為北部在一年裡面有大部份時間都長期積雪, 對於練習大很大的影響。所以水平往往不及中南部地區等棒球名校。然而, 2004及2005年夏甲子園的冠軍霸者很令人驚訝的都係南北海道的一間學校—駒大苫小牧。而歷史裡面只有一間學校曾奪得夏二連霸, 已經係幾十年前的事了。駒大苫小牧不單止成為了史上第二間夏二連霸學校, 而佢更係來自北海道的代表。今年駒大苫小牧在天才投手田中將大的帶領下順利奪得甲子園一席位, 並宣言要再次拿下錦標旗, 達成三連霸野心。嘩~好好睇。

剛剛睇完早稻田實比賽, 全壘打王—王貞治o既母校。打得ok啦, 11-2贏左Osaka桐蔭, 大比數o既比賽我唔多鍾意睇, 娛樂唔到我, 唔夠緊張刺激。

o係香港, 媽媽佢地就用internet 睇直播, 我就o係呢邊自己睇, 一有咩精彩球時候阿媽就會發癲咁打電話俾我問我有冇睇到...哈! 野球家族嘛 \^口^/

新工作

由聽日開始我會返一份新工，呢份工只係短短六個星期的合約。完左呢六個星期之後，most likely 我會入另一間公司。不過仲有未知之素，所以而家果份工我唔會辭去。一來係保障自己，二來可以保留番張Telstra員工咭o係City泊車(<--唔係有好多o係city o既商業大廈可以俾個車位俾員工架，所以死都要keep番。好屎賄)就係咁。不過要編造一個理由出黎叫佢俾我放咁耐假當然係唔容易，好在個department有六七十個員工，多我一個唔多，少我一個唔少，所以好簡單就申請到。至於另一間新公司就未confirm幾時俾到個position俾我，但係definitely會俾到我，份人工唔錯架，title又好。等~寂寞到夜深。

開心死了

我的母校出了個 10A, 好開心, 好開心, 好開心, 好開心!! 當我知道消息時即刻尖叫了! 太開心啦!

黃A

中學時代曾有一位阿sir，教英文同宗教，叫 A. Wong (A=Anthony)，我叫佢做黃A (貪個名夠"娘")。

區內 BAND 1 的英文中學，校風一向出名純品。惟獨有我呢個人存在，喜歡搞三搞四，十足十一個男仔頭。

講返黃A，四十幾五十歲中年男人一個，o係本校任教多年，講野口疾疾，門牙甩左一隻，個頭三七分界。個人品就冇乜野o既，好「淋」o個種人啦，冇乜學生緣，獨行狹一個。平時入到課室鍾意搞個mic搞一大輪，又testing又喂喂喂...喂完又testing...啪啪啪...啪都啪左大半堂去。搞完個mic之後點名，and then 叫我地打開chapter唔知幾多，搵人讀下書，佢又讀下書，又叫人答下問題，最後都係冇人答，完堂。

所以每逢一到黃A堂，我地都會搵o的自己野做下，又或者傾下計，計得興起，越講越大聲，間課室就好似街市咁...佢Shhhuuu極o的人都唔收聲，於是又好無奈咁自己讀番書。而中五那一年，記得時間表中每一週都會有一日係連續三堂都係黃A堂，即係:兩堂英文+一堂宗教。每逢呢一日，大家都好無隱。

中五的中秋節，果日係連續黃A三堂，我做左一件好對唔住黃A 0既事。果年我做搞手，叫埋成班同學一齊帶埋O的過節食品例如有月餅(冰皮&啡皮)﹑水晶梨﹑碌柚﹑中有其他唔知咩野食...好多好多，跟住仲有人帶埋燈籠。我地成班人一於好少理，0係課室又食又玩，玩得好過份。本來有O的同學好反對我地的，都加入埋一份，實行全班同阿SIR搞對抗。果日臨落堂前，黃A終於發脾氣。

本來一班學習氣氛良好的班俾我搞到咁，雖然唔係咩壞行為，單純係百厭﹑頑皮，不過對於中五會考班來講，對於我校幾十年來傳統優良校風講，我地呢班5A，真係史無前例。

o係校務處，面對住我班主任袁SIR，令人又多一分無奈，點解有女仔可以曳成咁架?

中六我順利升讀原校(會考成績出奇地好)，黃A已經冇再教我地。

我無讀中七，阿媽頂唔順我送左我去流學。一去就去左好多年，經歷過好多事，去過好多地方，住過o係瑞士兩年﹑美國工作兩年﹑最後去到澳洲仲移o左民，轉過好多工作，最後結婚....呢O的經歷完全將我整個人改變。

事隔咁多年，唔知黃A變成點呢? 其實我都好後悔當年對佢所做o既事，只怪當時年少無知，鍾意玩，鍾意搞亂檔。如果有幾會俾我見番黃A唔知我會想同佢講o的乜呢? 我希望可以同佢講聲對唔住。

雖則當年係有少少過份，不過大家同學都似乎回味無窮，事隔咁多年拎返出黎講都仲覺得好好笑。