沙灘貓的私家海灘: 7月 2005

回到悉尼

尋日坐早機晚上終於抵達悉尼...達達﹑拍直同舅父都有來機場接我。

回到家裡, 見ceci已經忙著搬屋, 幸好毛毛貓還在。

放下行李, 立即飛車去MIKA家, 因為好掛住兩個小朋友--路飛蜜柑^^

路飛蜜柑見到我冇特別興奮, 亦冇特別驚嚇。嘩...以前重17.5 磅的路飛經過mika契媽一個月特訓之後, 變瘦左...萬歲!!!!!

好多謝mika呢一個月來的辛勞。

本來聽日要返工, 但因為我要忙著為搬家的事而要去搵屋, 所以今日向老細請了一日假。

路飛蜜柑而家兩個打餅睡在我的床上...

聽日會去訂機票, 十月二號會再返香港停留兩個禮拜。嘩哈~~仲未向公司請假, 不過我有信心一定會俾o既...

小時候的舊照片

今次香港之行, 還有一天便結束, 很高興可以回到爸爸媽媽的家。昨天我花了一整天的時間用來scan一些小時候的舊照片。從書房裡找到一大堆佈滿塵的舊相簿, 有些照片更是發黃了...舊相簿真的多得恐怖, 起碼有二十多本單是我小時候的舊照...這便可看出爸媽是有多疼愛我--從出生的第一天開始便替我拍下許多照片, 希望我長大後可以看看自己是怎樣在爸媽的愛裡成長的...

學寫字

爸爸牽著我的手

家訪...小虎...和她的十三隻貓

可愛死了~~~~十三隻...
小虎﹑肥仔﹑小魔女﹑白姨姨﹑饅頭﹑方包(又叫林小平)﹑拖肥﹑奶黃﹑西瓜﹑魚蛋﹑花菇﹑蜜瓜﹑小褔。

P.S. 噢, 忘了要多謝小平送給我左手上的三條巴痕, 我會帶回澳洲慢慢欣賞的。還有這是十一小貓不定期成長日記

我家後園的花

:::至死不渝

:::太陽花

仲有五日....

返左黎香港都一個月啦, 今次返黎返得唔係好0岩時候, 係香港全年最熱的日子。雖然天氣好惡頂, 不過今次行程總算玩得好開心。星期六早機要返澳洲啦, 好唔捨得爸爸媽媽。時間過得真快, 仲有五日...
下個星期一就要返工啦, 老細話大把野等住我做...嗚~~手下留情呀老細...
今次香港之行買野其實唔算多, 因為國泰限制行李最多20kg, 就算偷雞都最多偷到3kg, 再加埋hand carry 幾kg, 加埋起上黎其實得好少...所以都唔敢買太多野。
類積過往經驗, 拾行李偷雞之秘訣其實在於行李箱本身。我今次帶左個Samsonite大行箱返黎, 呢個箱我果陣時0係美國買成二百幾蚊美金架 (美國可以帶max. 64kg 行李, 只限兩件, 所以行李箱有大整大, 當時我帶左部電腦主機返香港, 都仲有好多quota 剩)...不過, 我決定唔會帶佢返澳洲。點解? 因為佢實在太多「骨」啦, 雖然係硬淨, 但淨重都起碼過6-7kg, 咁我唔使放自己0的野啦? 所以呢, 我今次會帶兩個「紅白藍袋」, 貪佢夠哂輕, 變左可以放多0的衫啦 (其實我0的行李全部都係衫褲鞋)。至於貴重物品例如相機等, 當然跟身啦。今日中午有少少時間我開始拾了少部份的行李, 嘩哈哈~~「紅白藍袋」真夠爽, 怪不知得返大陸阿嬸咁鍾意用佢啦XDDDD

失望

剛才被一個人激親, 好失望, 好傷心。好想痛哭一場。

冷戰冷戰冷戰...我不會再打電話給你了, 你可以盡情去「搵錢」吧? 好嗎?

如果有貓地在我身邊就好了...

722 香港書展

本來打算星期六才去的書展決定改為今天(星期五)去, 因怕星期六可能有要事不能前來。心想, 也好, 反正星期六一定迫死人, 星期五是weekday, 而且今早才打雷下雨, 應該沒太多人吧?

到了灣仔地鐵站, 才知道我這個想個是絕對錯誤的。一年一度的香港書展, 無論是週中抑或週未, 晴天抑或雨天, 書展始終是書展, 一陣陣的人潮是絕不會退減的。由灣仔地鐵站行過去會展中心, 本應是五分鐘的路程, 因為人多需要改道的關係, 我卻用了半個鐘來蟻行。幸好昨晚和今早下過大雨, 天氣漸變清涼, 也不致於焗暈在人群當中。

至於入到場內人多的情形是可以想像的。書展並不是一個認識新書的好地方, 因為人多得你跟本不能有閒情空出來看書。所以我一早便位定目標要買某些書籍, 任務完成後便趕快離開現場, 然後再找個空位坐下來也好, 站著也罷, 先把氣抖順才擠入另一場館。我先由最上層的Grand Hall開始行至下層的Hall, 大概行到第三個Hall時我已經雙腿發麻了。左右手臂都提著重重的書...最後, 我行了不足三小時便終告戰敗。

雖然買的書實在不多, 希望我下星期都能把它們全部帶上飛機吧?

今天的部份戰利品

好像世界末日...

昨天我們一家人安在家中如常看電視, 點知聽到門外突然落好大好大既雨, 望出街外, 出面簡直有如一個大瀑布, 連街外的風景都睇唔到。連續不斷的狂雷不停地吼叫...閃雷沒有停過...整間屋也在搖動。我立即將電腦電制關掉, 不敢去開水喉...嚇死人...

今年最熱的一日...棒球決賽!

今日去了看棒球決賽! 為了今期的棒總季刊《上壘》可以有多些照片, 我也只好硬著頭皮去充當臨時攝影師了。全年最熱的一日, 我在球場上沒有陰頂, 沒有帶帽子, 只是乾蒸蒸的在草地上暴曬。。。差點兒中暑。。。

今次決賽是日本人隊--Romaiguys VS. 美國人隊--CitiBatters。不多說了, 我把我今日的部份戰利品放上來了, 圖片可按圖放大。