沙灘貓的私家海灘: 3月 2006

老公請你原諒我

50mm f/1.4
唔係好貴o者...
我尋日掙扎左好耐啦
支f/1.8真係買唔落手囉，太兒戲啦。
預期遲早都要買支1.4不如加多千幾蚊狠心o的囉
1.4影路飛蜜柑會靚仔o的架
信我

哈哈

嘩...今晚又玩到好夜先返啦。好開心喎...約左阿dom, may, annick & 亮, roy, kali 仲有vincy 去尖沙咀食飯...
首先講講我今日o既造型。我尋日又去左中環做左個陶瓷電髮，因為o岩o岩電完所以個頭好「爆炸」。阿dom 一見到我就係咁笑，笑到停唔到口。個衰婆丫...佢話我個頭望落好似大左三倍，而個臉就縮細左 =.=
其次就係，嘩!呢鑊勁呀! 話說森森佢俾左我結婚果日o的相俾佢個女仔friend睇，我又唔識佢個friend架喎...咁佢個friend就猛話我靚呀咩咁啦。跟住今日坐底食飯時森森打俾我，佢話佢個friend見到我同佢同一間餐廳囉。嘩...好驚呀，我唔識佢架，結婚果日我化哂妝架喎...佢憑見過張相咁都認得出我咩? 跟住發覺原來佢坐o係我附近囉，同佢打左幾個招呼，真係搞笑，真係邪。原來我個樣咁易認!三唔識七都可以認到我哈哈哈哈!!!
我地八個人食飯食得好開心呀，阿亮佢講左好多做警察o既搞笑野啦，roy又搞笑喎...佢話好鍾意食貓屎，而且對臭豆腐情有獨鍾，聞到已經覺得好正啦XDDDDDDD 邊度有人鍾意聞臭豆腐架? XDDDDDD

之後我地去左諾士弗檯飲野，阿亮又繼續表演佢o既分差人趣料啦XDDDDD

今晚好開心...

家庭樂

今日難得媽媽放假我又冇約到人出街，一於黎個家庭日。亦都好難得爸爸會陪我地行街街，哈哈!! 可能係爸爸唔捨得我就黎要返澳洲....
行街行左成日，買左好多野。行下又食下野...又買下野....晚上我地去左睇《極地雪犬》(Eight Below)，真係好好好好好好好睇!!! 讚呀 ^口^
睇完之後我有一個感想: 都係鍾意我家路飛蜜柑多o的..嘻~~~

可憐的小朋友

今日爸爸早機返到悉尼。聽說入到自己屋企發現有兩寸厚的塵佈滿了整間屋。那當然了因為舅公從不懂得打理家居，你叫他每日剷貓屎已經是仁至義盡了。幸好加菲媽她給我們每星期中點地上來打掃貓廁所，否則我不敢想像回來時的景象。爸爸回來後便是吸了兩小時的塵，打掃再打掃...
聽爸爸說小朋友很活潑很健康，蜜柑好像是大隻了一點吧。
忽然呯澎的聲音，怎麼了？小朋友把幾個月來一直罷放在餐桌上的玻璃生果碟打破了，連同豬仔錢箱也一同打破。路飛蜜柑好像很生爸爸的氣的...擺明是投訴爸爸離家了一個月。然後舅公又把小朋友罵了一頓，打他們大脾。兩個小可憐啊~~可憐得很害怕舅公躲起來了。
幹嘛!! 做大人的怎可以這樣對待兩小無猜的!!??

所以我今天很生氣的!! 爸爸怎可以不阻止這樣的事情發生的? 明明是父母的錯導致於小朋友發小孩子皮氣嘛! 打破一隻生果碟幹嘛這麼生氣要出手打他們?
對不起對不起路飛蜜柑請你原諒媽媽啦...最多媽媽多替你們買手信啦~

有相睇啦

我o既結婚當日o既相已經全部upload上server, 共九百幾張相。有興趣的朋友(當然係要我都認識你啦)可以留個email給我imbeachcat@gmail.com, 我再send個server address 同password俾你, 另外個server仲有一段5分鐘的短片。

呢幾日香港天氣好霉，係全年最討厭o既時候，即係回南天。日日落毛毛雨，又濕又霉又陰陰天，搞到個人冇哂心機。尋日去左603屋企佢邀請我去，好多謝佢熱情o既招待，仲有佢二樓o既鄰居。佢專程為我同達達整左個cake興祝我地，仲有好好味o既小食。對芝麻印象唔錯，好乖乖，個個人都被佢偷襲過，果然叻女!仲有靚仔potato!靚仔靚仔靚仔!!!o係度再次多謝佢啦^_^
今日達達飛返澳洲啦，因為佢星期一要返工。我本來都同佢一齊走但係有太多事情未做(例如shopping，shopping再shopping)，所以都係延遲多十日先走。我仲要約o的朋友出黎見個面呢，因為之前又忙之後又去旅行，都冇時間同o的friend meet過。屋企兩個小朋友好乖，聽舅父講佢地前日將舅父o既飯盒咬碎哂，搞到成地下個係碎片。舅父就發嬲囉。仲有佢地將廚房個櫃門條木唔知用咩方法拆左落黎，又係激死舅父哈哈!!真係乖，媽媽鍚鍚 ^333^ 路飛蜜柑好叻叻!
爸爸今日就返到澳洲陪小朋友啦，不過爸爸要脅我如果唔同佢一齊返去，佢就會幫小朋友剃哂o的毛喎。你咪剃囉，如果你捨得的話。呵!

發癲啦! 6pm 唱到 6am !!

尋晚真係玩得好癲啦!!! o係銅鑼灣CEO 由夜晚六點唱K唱到第二朝早六點!!!

先交代人物，在場者有:

幕後黑手: 我﹑達達。
達達朋友: Roy, Annick, 阿亮, Kali。
我中學同學: Wisdom, May, Wing, Ada, Emily。
我小學同學: 森森, 古x恒, 徐x基, 吳x婷, 呂x狄, 文x威, 郭x文。

一共十七個人去CEO唱k食buffet, 6pm開始。先係狂食buffet (我鍾意食呢間CEO的buffet, 有打邊爐, 又有燉湯, 魚生, 總之好多野食又有好好味o既dessert), 狂唱歌...仲有叫左六桶啤酒 (每桶九支)。班人煙酒骰盅猜梅唔在講，仲有低能白痴遊戲(Annick諗的鬼主意)，文x威又帶左副啤牌黎玩，唔單止，仲有飛行棋同象棋，班人真係喪架!!XDDDD

由於有部份人第日要返工，又要趕尾班車所以早走(12am前走叫早走架啦)，不過真係好多謝Wisdom黎到因為佢本來要返屋企的，害佢要饋左廿幾蚊車費。十二點之後就剩底有我啦﹑達達﹑森森, 吳x婷, 古x恒, 徐x基, 呂x狄, 文x威幾個人又玩又唱又煙又酒。是晚十二點後的Highlight:
**徐x基呢晚o岩o岩去完台灣玩由機楊趕到仲帶埋o的行李，我俾個「讚」字俾佢。
**古x恒呢個十幾年o既朋友一時飲大左有少少語無論次，笑死!! 仲成日話要同我合唱!!
**森森就好鍾意唱歌，點知徐x基又要掙住唱，搞到森森要用暴力搶走佢支mic但係又唔夠搶，徐x基不斷o係度阻住佢唱，個場面真係笑死人!!!
**仲有成班人走去除呂x狄件衫話要睇佢身上o個四個紋身，好笑到爆。(嘩..有紋身好驚驚呀@o@)
**我地玩擒棉胎次次最慢的都係我, 罰飲左起碼有兩支啤酒。
**達達又唔駛講啦佢唱歌跳舞癲鬼左。
**吳x婷要早走(約3am離開)佢飲到好醉我地俾左好多膠袋同紙巾俾佢搭車。
**全晚54支啤酒全部飲清光, 古x恒call人想再order被職員拒絕。
**我地最後黎左個全場勁high大合唱。

清早六點:
我同達達搭的士返北角，佢地去左食早餐。

日本

這五天我們去了日本旅行，很開心。
日本國，去過幾次。不過沒有一次是認認真真的停留東京玩幾天，去的都是北海道﹑九州等...東京覺得只是用來轉車罷了。
今次認真地遊東京，發覺原來大城市感覺真的不同，擠擠擁擁的，五光十色。達達未到過日本，我覺得他是比較喜歡城市生活的那種type，所以他會覺得東京很好玩。相對於鍾情大自然景色的我，去富士山的那天就是整個旅程的高潮了 (本來達達並不太想去的，經過我一輪吵嚷後還是決定去了)。哈哈哈...我們又見面了，富士山 !!!

瘋狂魚旦

Wedding之後四晚都連續住o係朗豪酒店，因為係酒席加上airline送的。講開真係好笑，我地住左第二晚酒店先知，原來當日負責check-in 達達o既 guest services agent o係Jessie，我以前響瑞士讀書o既同學。我果日響lobby見到佢果陣真係嚇左一跳...好耐冇聯絡啦，等我去完日本返黎左搵佢出黎飲野先^++^

我地呢兩隻o係澳洲返黎o既「餓鬼」呢幾日起勢o係咁落街吉魚旦食，晚晚都食好多魚旦，有時仲拎上酒店食...真係笑死人...我地兩個人拎住盒咖哩魚旦行入間咁classie o既酒店真係有點兒那個XDDDD

前晚kali同阿roy黎左hotel搵我地玩，跟住尋晚就係Richard同佢女友，仲有力妹。阿力妹佢好鬼死鐘意我地間房個『落地透明玻璃浴室』，仲要我幫佢影相，睇下佢幾enjoy XDDDD

just married

哈哈...我們結婚了。2006年3月10日 (星期五) 天晴。
由早上出門到晚上酒席完畢，一切事情都很順利，十分感謝來參加我們婚禮的親友們。當然因為太多朋友們前來，而且時間緊迫，所以抱歉不能一一與你們拍照。特別鳴謝我的爸媽﹑達達的爸媽﹑阿婷﹑由澳洲飛過來做伴郎的拍直﹑我的姊妹們(阿dom, May, Ada, Wing, Emily, 曉怡, 森森)﹑司儀Roy & Annick﹑羅生﹑Kali﹑我的小學老師洪生﹑幫手拍照的Kary哥﹑專程由美國飛來參加我婚禮的幾位爸爸的老朋友...等等等等...因為太多人要感謝，所以，總之就是謝謝您們。

要看全部相的要多等兩個禮拜才有，現在只好看這張先啦。

蜜柑生日啦

兩歲叻叻仔，蜜柑柑生日快樂。媽媽永遠愛你! 愛你愛你愛你!!!

勁開心的小學聚餐

話說我以前o係錦繡讀小學時有個鬼仔同學(古x恒)，好似係法國混血兒，佢以前住o係我隔壁屋，我從前睡房個窗望到佢個花園，仲成日見到佢唔著衫同o的男同學打乒乓波。真係好好笑架，後來佢搬屋轉校，從此失去聯絡囉...十幾年....
近排我個老死森森竟然搵到佢出黎(託互聯網的福)，而家古x恒o係尖沙咀一間俄羅斯餐廳度做。我地尋晚一行8人，一齊去搵番呢個小學老友出黎，去左佢間餐廳食野。勁勁勁開心囉...佢地之前都出過黎meet，不過今次就因為有我返左黎嘛..哈哈~~當然要meet多一次啦。開心架嘛~!!!
尋晚食飯果度真係好正，俾十個正字。個經理又好招呼，一坐底就每人一shot vodka。正 >o<~
俄羅斯餐廳真係唔錯，仲有間零下20度的雪房，要著皮草入去先得架。我地成堆人入左去，入度去又要黎多一shot vodka...嘩...真係好凍!!
由於有呂x狄遲到，我地等左好耐，個經理係咁俾vodka我地隊，仲有紅酒都開左三支...呂x狄未到前，我地全部人到醉醉地啦...我都飲左5-6 shot vodka...
俄羅斯菜真係唔錯，仲試到真正羅宋湯呀，好好味呀。食食下，有兩個俄羅斯人拉住手風琴同我地一齊唱，一齊玩，氣氛去到高潮。
點知食到唔知第幾度菜，郭x文同森森齊齊不支了，佢地飲到好醉...湯了，暈倒了。(下刪300字...)
幾個男人最後夾手夾腳台左百幾磅o既郭x文上去呂x狄架七人van，然後送佢返東涌。返到東涌之後又好似台雪櫃咁台佢返上屋企...(下刪200字)
今次個gathering真係好好好開心，佢地個個都係我小學的好朋友，希望我地友誼永固。最開心o既，都係見番失散十幾年o既古x恒。

匆匆忙忙探貓記

今日一早出門口，去酒店confirm 圍數...去final試衫，跟住又去買左好多「淋滲野」，隻腳行到鬼屎咁支力。行到接近六點，爸爸打電話來說今日去哥哥伯父屋企食飯，於是我第一時間萌起了去小虎家抽貓水的念頭。哈哈...因為哥哥和伯父娘娘住在小虎的斜對面屋，所以每次去搵佢地都會順便去探十三隻貓地。只可惜今次我們趕著要開飯(肚子餓)，所以只能匆忙地探了貓地10分鐘右左。嗚~~我的小平，阿奶>.< 今次還認真地聞了拖肥靚女傳說中的臭腳味XDDD
之後我們一家人跟伯父娘娘和小虎&她男友去了大棠吃晚飯，我因為咳的綠故不能吃雞...嗚~看來好好味道T_T