沙灘貓的私家海灘: 10月 2005

movie clips

做完手術第三天, 隻眼基本上好返哂。尋日睇野仲係有一層煙幕, 今日層煙幕都冇哂, 睇野好清楚。不過為安全計, 今日都係唔好出街, 因為係傷口都未埋口, 如果有咩事咁就唔好啦。
悶悶地0係屋企, arrange 下部電腦0的文件, 搵到0的好耐以前拍既movie clips, 係路飛蜜柑細個時拍。好好笑, 有興趣就click入黎睇下啦,
有搶玩具同打交

真係無聊...又唔可以對咁多電腦同電視, 睇書就更加唔得啦...等到聽日可以出街一定狂買野....嗚~~

手術成功了...

但係, 真係嚇死人...都唔明點解個個人都話:「個手術好簡單架咋, 十分鐘就做完。」
我覺得唔係囉。冇錯, "望住個紅點用激光射"果一刻就係幾十秒...不過由"用激光揭起眼角膜"至整個手術完成一刻, 個過程就驚嚇無比。一上到手術床, 就要望住0的好光既燈, 跟住有舊野壓住隻眼, 跟住, 肓左。跟住, 醫生就話我個眼角膜已經用激光揭起左。之後休息45分鐘, 隻眼不停流眼水, 好辛苦...45分鐘之後又入返去手術室。跟住...我唔想寫....驚嚇程度有9級。總之就係用野好似上螺絲咁, 撐住隻眼...又要望住閃閃下粒紅燈, 如果郁左就會做得唔靚。仲有...又聞到有濃味....真係少0的定力都比佢嚇暈。

如果有人問我, 個手術值唔值得, 我而家梗係話值啦, 一下間冇哂d近視喎 (對深近視者更值)。不過, 我要警告所有想做呢種手術0既人: 唔嚇得者勿做。

大戰過後

今日我個病終於好返好多啦。諗返起前幾日, 晚晚都訓得唔好, 有一晚更加成晚都咳到訓唔到, 自己一個坐0係張床度喊...病, 真係好辛苦。
路飛蜜柑0既爸爸達達尋日已經飛返澳洲安全到步。兩個小朋友都接左返屋企。真係好多謝mika又再一次幫我湊住兩個小朋友, 又欠左佢一個大人情啦。
呢三個星期裡面, 我地已經好順利咁辦妥好多事情。要買既野買左, 要見既人又見左。而家只係等待big day...仲有四個幾月。
唉...其實本來打算上個星期去海洋公園哈佬喂, 可惜病左啦。唔制>.<

天有不測之風雲

本來, 我上個星期五應該去做激光矯視。本來, 我聽日(星期一)應該要上機回澳。

就係因為一場感冒, 所有事情都被迫延期。

改了下星期三做矯視, 11月4日返澳。

噢....我病了。

無刀激光矯視

激光矯視這個名詞對我來說，太可怕。靈魂之窗，怎麼可以用激光割開? 怎樣說也說不通。有時覺得，科學倡明實在可怕。生在醫護界家庭的我，從來不能接受這種法明。心想，一輩子帶contact lense 有什麼不妥? 因此即使家人在兩年前已經極力說服也無法迫使我去接受這種手術。我嘛，兩年前曾目睹一個朋友在手術中垂死痛苦的過程--簡單來說，就是用刀把眼睛割開然後再用激光幹什麼什麼的...

兩個星期前一位朋友打電話來說:『我做了無刀激光矯視耶~不會痛的，感覺就像眼睛入了沙一樣咭咭的。幾分鐘的，眼睛一下子就沒有近視了。你也去做吧。』

我抱著仍然是半信半疑的態度和家人商量，怎料，反應竟是:『呵~一早告訴你了，你終於肯做了嗎?』翻譯過來就是:「你終於肯認底威了嗎」的意思.......

Say goodbye to contact lense，今個星期五我便會做手術了，希望能順順利利吧。

正宗飛機耳

小平....

美食恐懼症

我是一個不折不扣很不會吃的人。從何見得？我最害怕的食物如下:

蟹(任何品種的蟹,大閘蟹聞到即嘔)﹑海參﹑海蜇﹑鱔﹑魚(近年勉強吃了一點,但每吃完三小時內都很想嘔)﹑魚翅(吃得很勉強,假的翅我倒喜歡吃)﹑蠔(生和熟一律拒絕)﹑蝦醬﹑鹹魚﹑任何內臟及豬紅(牛柏葉除外)﹑任何動物的舌頭﹑燕窩(勁怕食燕窩,想起也想嘔)﹑雪蛤膏﹑田雞﹑賴尿蝦﹑田螺及任何螺類........(還有很多奇怪的食物)

最愛吃的類別:
菜!!!!!其次是雞﹑牛﹑豬。

記得小時有一次跟爸爸和他的幾個伙伴去鯉魚門吃海鮮，六七個人吃了四五千元(很多年前)，但我謹記得我只吃了大量的椒絲腐乳炒通菜和白飯。

幹嘛!? 自小有皮膚敏的人即使到長大了痊癒了，口味也不能改變--嚥不下海鮮的事實。

路飛蜜柑的堂細佬

"登登登登...."!!! 就係佢喇! 佢係路飛蜜柑0既爸爸0既哥哥0既仔! 路蜜蜜柑叫佢做堂細佬....嘻~

得手了

Sonyericsson W800i 今日終於得手了~ 當然係男友送的啦~
XDDDDDDDDDDDDDDDDDDDDDDDDDDDDDDDDDDDDDDDDDDDDDD

三份一的總結

今次香港「來也匆匆﹑去也匆匆」之旅, 到今日(星期日)係大約過左三份一的時間。三份一, 即係7日, 唔多唔少, 但已經做左好多應該要做既事。覺得, 好似過左7個星期咁...每日都好忙, 好累...不過都係開心既~
我份人好樂觀架, 天跌落黎當被"擒"囉...

好多謝媽媽每日都陪住我地一齊忙...佢其實好難得請到大假, 但係陪住我地仲辛苦過返工...好多謝爸爸經常車出車入...多謝婷婷, 多謝未來奶奶, 多謝舅母, 多謝表妹阿怡, 多謝兩個阿姨, 更加多謝達達啦...仲有仲有...多謝MIKA同我照顧住兩個小朋友。好多謝多謝~~

沒有貓的日子很難過

回來香港才四天，已經覺得生活很灰。灰，因為沒有貓。

無論這個都市有多麼的花花世界﹑物質引誘...閃亮的霓紅燈﹑廣告牌﹑電視電台的廣播﹑地鐵﹑人山人海......一對對的情侶﹑一堆堆的中學生﹑一群群的上班一族...響過不停的手機鈴聲﹑PSP 遊戲機﹑插著ipod的人...

很累了...

我很想, 路飛蜜柑在我身邊。

路飛蜜柑, 媽媽很掛念你們啊~

又再回到老家

我終於到香港了...唉~ 首先講講昨日在悉尼發生的事情:
我和達達原本是晚上十時的飛機, 那麼在去機場之前就和拍直等一行五人去唱K...由中午二時唱到六時。
六點鐘唱完卡拉ok後, 拍直送我們回家拿行李, 打算上去待一會兒便出去晚飯了。拍直把新買不到三個星期的車子泊在我家大廈門口, 然後坐lift上去了。一進家門, 我們聽見樓下拍直車的alarm突然在叫, 心感不妙, 於是下樓去看看。怎料, 嚇發現車子的前蓋被撼毀了, 而且傷得頗厲害。我們知道, 一定是剛才泊在前面的小型貨車倒後時大力撼到拍直的車子, 然後不顧而去。因為五分鐘前才清楚看到貨車停在前面 (我們留有足夠的空間給貨車出車)。那個司機正一PK, 我很嬲, 竟然又再發生hit and run 的事情。我也很過意不去, 紿終是因為拍直要車我們去機場才會發生...不久前拍直妹妹的車才被偷去並且給燒掉了。禍不單行...拍直, 很對不起呢...希望這個是破才擋災啦。

好了, 現在總算又回到香港。和達達撘了9小時的飛機, 本應9小時也不算太長啦, 但我們早上5:20到香港後, 一直到現在 (晚上) 沒有休息過。在飛機上又只睡了兩小時而已 (嘻~我在飛機上看了《電車男》)...香港, 很熱...熱死了。很累, 累死我了...今天一整天都跟爸媽一起去跟親戚吃飯...不理啦, 我要去睡一睡, 否則會暴斃的。