勁開心的小學聚餐
話說我以前o係錦繡讀小學時有個鬼仔同學(古x恒)，好似係法國混血兒，佢以前住o係我隔壁屋，我從前睡房個窗望到佢個花園，仲成日見到佢唔著衫同o的男同學打乒乓波。真係好好笑架，後來佢搬屋轉校，從此失去聯絡囉...十幾年....近排我個老死森森竟然搵到佢出黎(託互聯網的福)，而家古x恒o係尖沙咀一間俄羅斯餐廳度做。我地尋晚一行8人，一齊去搵番呢個小學老友出黎，去左佢間餐廳食野。勁勁勁開心囉...佢地之前都出過黎meet，不過今次就因為有我返左黎嘛..哈哈~~當然要meet多一次啦。開心架嘛~!!!
尋晚食飯果度真係好正，俾十個正字。個經理又好招呼，一坐底就每人一shot vodka。正 >o<~
俄羅斯餐廳真係唔錯，仲有間零下20度的雪房，要著皮草入去先得架。我地成堆人入左去，入度去又要黎多一shot vodka...嘩...真係好凍!!
由於有呂x狄遲到，我地等左好耐，個經理係咁俾vodka我地隊，仲有紅酒都開左三支...呂x狄未到前，我地全部人到醉醉地啦...我都飲左5-6 shot vodka...
俄羅斯菜真係唔錯，仲試到真正羅宋湯呀，好好味呀。食食下，有兩個俄羅斯人拉住手風琴同我地一齊唱，一齊玩，氣氛去到高潮。
點知食到唔知第幾度菜，郭x文同森森齊齊不支了，佢地飲到好醉...湯了，暈倒了。(下刪300字...)
幾個男人最後夾手夾腳台左百幾磅o既郭x文上去呂x狄架七人van，然後送佢返東涌。返到東涌之後又好似台雪櫃咁台佢返上屋企...(下刪200字)
今次個gathering真係好好好開心，佢地個個都係我小學的好朋友，希望我地友誼永固。最開心o既，都係見番失散十幾年o既古x恒。
posted by 沙灘貓~Olive~ at
1:47 上午
5 comment(s):
嘩~~世界真係細,除左因為patrick識到bernard,又識到你,之後又發現bernard同我蝦子餅d同事呀朋友呀大家都係fan,而家仲發現原來你o既混血兒同學仔,就係係Balalaika度做野,就係其中一間我好中意o既外國菜餐廳,好中意d羅宋湯呀~~~平時飲羅宋湯我一飲發現唔對路就會倒茄汁落去攪混再飲 @.@,但係呢度我就唔使咁做 ^^,有d菜式好似好肥膩,但我真係忍唔到口要食....d佈置又得意,唱歌個陣又好玩,不過我個次囉住果舊唔知係乜,好似bb玩o既玩具咁係咁搖囉!!最特別o既係個次我地見到你呢位舊朋友,覺得佢好cute呀~~~~我地幾個女仔仲特登點菜都係搵佢,又問佢有咩介紹,有一道烤肉係串起左上檯時再用火燒一燒先,都係佢serve我地架,之前都有同patrick講過大家返左香港要去唔同地方食飯,呢間係其中一間,估唔到入面就有一個你識o既朋友,世界仲唔係細？
By
匿名, at
1:01 下午
to 力妹:
乜個世界真係咁細?? 所有人同事都好似有牽連, 大家都有各自各生活, 但串埋一齊就好似有好多link咁....真係巧合!!
係呀Balalaika真係好正, 你唔好理佢俄羅斯菜好食與否, 間餐廳個氣氛簡直一流, 勁開心。
to 西西里:
你想睇混血兒靚仔呀? 有呀...不過我d friend仲未send番俾我。o拿...文章下面第一張全體相, 右面第二個就係佢啦...再唔係,去Balalaika食番餐搵佢影相囉XDD
我o的酒量由細訓練到大, 有番咁上下o既...XDD
By
沙灘貓~Olive~, at
3:07 下午
古xx話佢係南非人mix呀, 唔係french, 以前都唔知邊鬼個吹出黎~!!
By
匿名, at
4:36 下午
南非白人都唔係原著人啦, 係歐洲人移民過去, 唔係法國都係歐洲人架啦...我記得以前坐校車時佢細妹話佢地屋企係法國mix喎...XDD
By
沙灘貓~Olive~, at
3:02 上午
明白!!只係佢老豆家鄉o係南非!!:P
By
匿名, at
8:13 下午
Post a comment
<< Home