沙灘貓的私家海灘

2006/04/05

傻婆兩名

我返到澳洲啦。兩個仔仔好活潑 ^_^
尋日爸爸媽媽佢地車我去機場送我機，阿dom 都有黎送機呀。佢方便嘛o係機場返工，佢仲搞笑，o係離境閘口前面送左我之後，除即o係禁區入面MEET返我，佢係工作人員嘛。咁我又拎住幾袋野，好重咁，一入到去梗係推架車仔啦。嘩...o的手提行提都重得好緊要，其中個黑色大袋最大最重，我地將佢放左o係車仔下格。

Gate number 係36，都要行頗遠路。好難得有朋友可以送機送到陪我入禁區，陪我去閘口前，事關阿dom佢身上掛住一個員工證。兩個傻婆沿住條行人輸送帶推住架車仔，邊行邊講笑，又傻笑大笑，不亦樂乎。行人輸送帶一個接一個，我地講開一個話題笑得好大聲。行到大約中段的時候，身後突然有人拍我! 嚇左一跳，原來o係一個機場女職員:
「小姐!」佢拍我膞頭。
「你係咪跌左件行李呀?」佢用手指示意後方大約二十米的遠處有一個黑色大袋，反肚地訓o係地上面。
「依!? 係我架喎!!!」我驚恐地說。

原來我地兩個傻婆一路推行李一路講笑，跌左件行李都唔知，仲行左咁遠...
阿dom都飛奔去執番件行李，情景極之搞笑。
點解我地可以連跌左件行李都唔知架? 仲係兩個人好高調咁大聲笑咁一路行一路跌野都唔知，我諗個機場staff一定係望左我地好耐先走去提我地。

就係咁，阿dom就送到我去gate 36，望住我登機。
兩個傻婆。