沙灘貓的私家海灘

2006/01/31

兩個新契仔

新o既一年，有人終於順利誕下兩個仔仔。冇錯，就係MIKA 既兩個仔仔: 芒果同米米 (我叫佢地做芒果米米撈)。一對o係adoption center 領養番黎既貓b。因為終於都settle down，搵到一份又高薪，又理想的政府工，所以下定決心唔再過冇貓的日子。

果日去到adoption center，見到有好多貓，而且仲有好多都係貓b (一歲以下)，個個都好嗲，好精靈。可恨我自己沒冇本事，如果唔係真係想帶哂佢地番屋企。o係果個地方，o的貓如果太耐冇人要，就要困入囚室，等待啪針處決。我見到一號囚室有一隻四歲o既中毛靚貓，薑白色，放佢出黎係咁嗲人，嗲嗲嗲嗲~~個個人都要嗲過先，真係lum到爆。囚室個牌寫住: 「我叫Marmalade，排期1月30日(last day)，請給我第二次機會」我見到個牌即刻喊到收唔到制。

世事就係咁殘酷，怪就怪佢以前主人唔要佢。果度仲有好多貓等住人收養，亦即意味住好多貓要面臨處決的日子。

好奇怪，個adoption center有好多silver tabby 貓b，有幾隻仲係剛剛出世，隻隻都係靚貓。以前想搵silver tabby 搵唔到，竟然呢度有好多，仲係冇人要。如果屋企唔係咁o既環境，帶哂佢地返屋企又點話? 我最想帶埋Marmalade走。

最後，芒果同米米好幸運地被mika挑選帶返屋企，佢地可以同adoption center 入面o既朋友仔講byebye啦。臨走o既時候，我再望多佢地幾眼，希望佢地個個都搵到幸福的家啦。