沙灘貓的私家海灘

主子萬歲

蜜柑少主先前果排曳得好交關，0係屋企喪跑啦，無故大聲叫，跳上櫃頂搞東西啦，又打哥哥，家嘈屋弊。咁有時太過份就梗係要俾我喝止住架嘛...哼!少主呢兩日同我玩鬧情緒，突然間靜0左落黎，仲0係廁所個地板上尿尿，擺明係抗議，引人注意。

大事不妙，估唔到呢個少主已經俾我寵壞到呢個地步，心諗: 你都有今日啦沙灘貓。
雖然係咁，我仲係好擔心蜜柑柑0既情緒，於是我惟有想盡辦法tum o番佢開心。又食大餐，零食，成日同佢玩...仲要由得佢鍾意o係屋企搞乜就搞乜....
尋晚蜜柑同我玩左成晚，搞到冇覺好訓。至於今日都係不斷同佢玩。睇佢而家好似又冇事咁喎....都唔知佢想點，真係嘔血。
總之，主子萬歲，貓奴甘願為奴為婢

posted by 沙灘貓~Olive~ at 4:37 下午