羅宋湯
今朝訓覺訓到六七點幾, 我俾出面廚房櫃門o既呯澎聲嘈醒.....o的聲音不斷"呯澎...呯澎..." 咁樣, 持續好耐, 我起初因為太累, 認為一定係小朋友 (蜜柑) 又係度撞門啦....但係聽落聽落, 覺得有o的唔對路, 於是爬起床出去睇下啦....我見到超級頑童蜜柑好乖咁坐o係廳中間, o下? 乜話? 咁即係話, o的聲係乖仔路飛整架啦? 但係, 路飛去左邊呢? 唔見佢喎.....直覺話俾我聽, 我要打開個廚櫃....真係, 路飛原來呢埋左入去 一_一".....路飛佢唔係咁叻識得打開櫃門, 只係巧合挑開個櫃門順便"鼠"左入去, 點知度櫃門又重, 佢無力打開出去, 所以係咁撞門....唉....個傻仔.....如果焗死o係入面點算? 所以我打左佢大脾仔一下, 以示警介。
今日係星期日, 本來諗住同達達搵o的野做下, 去下街咁, 但因為太累, 所以都冇去到邊....我地中午之後就去左 Parramatta 食下午茶, 跟住買左少少野整羅宋湯, 同買左幾條法國麵包。嘻....我整o既羅宋湯都好味架, 不過如果落多o的茄膏就仲好味....同埋差左o的 Tabasco 囉....hahaha....我地今晚同偉偉同舅父一齊飲湯食麵包....好開心....
posted by 沙灘貓~Olive~ at
9:01 下午
0 comment(s):
Post a comment
<< Home