電話....
今日好忙, 唔係返工忙, 而係我自己好忙....又要忙返工, 又要去交汽車保險, 之後要去交牌費....etc....不過都總算忙完一日啦, 又係返到屋企, 再夜o的就等達達打電話o黎...嘻嘻....好掛住佢....
尋日返工果陣, 好突然, "佢"打電話俾我, 係打我 mobile, "佢" 話俾我聽, "佢" 同而家o既女友就o黎要分手, 好唔開心, 好煩...我聽到都唔開心左一陣, 諗左一陣...其實點解"佢"女友要提出分手, 我係最清楚o個個, 以"佢"咁o既做男友性格, 試問又點可以留住身邊o既女仔呢? 我實在太清楚"佢"啦....唉....真係難為個女仔.....算啦唔好提.....不過 anyway, 我係好唔想睇到佢地散囉, 講真, 人又點會冇缺點呢? 大家o係埋一齊意見不合又好, 鬧交又好, 呢o的點都會少不免, 有冇諗過替對方想想, 然後退一步會海闊天空呢? 自以為是﹑自把自為﹑唔聽別人意見永遠係最大禁忌....唉....
另外, "佢"都知道我有男友啦, 仲係好鍚我添 ....^_^....
我o係呢度衷心祝福"佢"同女友可以和好如初, 永遠都咁愛大家啦....
posted by 沙灘貓~Olive~ at
6:54 下午
0 comment(s):
Post a comment
<< Home