行元朗
我返到黎香港咁耐, 都未出過伴我成長0既元朗市...今日無啦啦心血來潮, 想出一出元朗行下, 去番我以前"年輕"0既時候成日去0既地方。
十二點幾我自己一個人撘專車出元朗, 只係十分鐘車程就到啦。我選擇0係以前"恒香"0既專巴站落車, 因為我以前日日0係呢個站落車落左六年, 風雨不改...
於是我0係條街度行, 行左去千色廣場, 途中經過好多買菜0既攤擋。因為太熱, 忍唔住要飛入去千色涼冷氣...由於肚餓, 我又行過幾間以前成日去食野0既食店搵食, 但係好多都轉哂名轉哂老闆, 店依在...
其實以前每次我返香港, 都好少去元朗行, 感覺上變左, 但又唔係變左好多...所以對呢個地方又親切又陌生...
食完碗麯之後, 我又行左一陣啦, 睇下0的店啦...行下行下, 行左去勝利牛丸。之後行左過去元朗廣場...呢個亦都係我"年輕"時經常逛0既地方...
大約用左兩個鐘就行完, 元朗市, 好快行完...我今日0既旅程亦結束在元朗廣場, 0係果度我撘專巴返屋企...
posted by 沙灘貓~Olive~ at
7:08 下午
0 comment(s):
Post a comment
<< Home