給契媽村長的信
好多謝你0既不定期報告。你話路飛可能因為唔可以同細佬食, 所以冇乜心機成日食剩幾粒←咁唔錯喎...又順便可以減肥。其實依你睇來路飛有冇輕左少少呢?
『其實路飛好古惑!!!明知唔可以入kitchen開櫃門,一聽到我腳步聲就極速逃脫!』←我諗佢係想搵野食...佢個肥仔....其實以前0係我屋企時, 你見到我kitchen櫃門全部用鋼支上哂鎖, 都係為左防路飛, 因為佢成日想搵食 (唔係貓糧, 而係人類食物)。相反蜜柑對食物興趣不大。
其實路飛古惑我都好清楚, 不過我白天唔係屋企睇唔到我就當唔知, 好似佢上次將d屎屎high落ceci條睡褲度就知道啦=.= 你睇下佢細細個時候個樣, 幾古惑?
你做得好好呀, 如果小朋友0係你屋企唔乖, 唔守渡假村營規, 例如搞垃圾桶,開櫃門等, 一定要罰。
佢地d屎屎多數有兩種型態: 條狀, 同波子狀。兩種都係健康的屎屎。如果你見到佢地鍾意食菜, 你又可以俾0的生菜﹑青豆佢地食...佢地通常只係食幾啖過口隱。路飛最鍾意食貓草或者小麥草...不過你無須太刻意去搵呢兩種草俾佢地 , 食生菜也可以了....
好啦...真係麻煩你了...我得閒就打個電話俾你啦 (其實之前都打過, 不過冇人聽)
媽咪上
posted by 沙灘貓~Olive~ at
1:43 下午
0 comment(s):
Post a comment
<< Home